[دوت مجاك]

المشاركة الأصلية كتبت بواسطة عثمان

كلامك ده ممكن يكون موجود ومعقول على الأقل
في فترة من الفترات، لكن إنت ليه عاوز تحاكمنا
بغلطات الأجيال السابقة.
وإحساسك البتحكي عنو ده في الوقت الراهن ده ما موجود
لأنو أصبح في وعي وتفهم وتقبل كل منا للأخر
وإحساسي بيك إنك شاب وعلى وعي وبتميز

كنا في فترة من الفترات شلاليات كبيرة
شماليين وجنوبيين "لزوم الدقة زي ما قولت إنت"
تربينا ونشأنا ولعبنا سوياً إلا أن وصلنا مراحل
الدراسة المختلفة ثم فرقت بيننا ظروف الحياة
لم يكن هناك تمييز بيننا هذا جنوبي وذاك شمالي
ياخي نحن كنا بنتظر يوم الأحد ده عشان
نمشي معاهم الكنيسة.
دوت مجال سلامات وعساك بخير
طولت مننا شديد يازول

والله يا عثمان يا اخوى
انا ما عايز احاكم لى اى زول ابدا
بس اكتب مافى نفسي لانه جزء من التحرر من اى ماضى غاتم
انا تعرضت لماسئ شديدة جدا بسبب الراى وعلى اساس انى جنوبي
حتى الان لم اتقدم لوظيفة فى الدولة رغم انى املك شهادة جامعية فى هندسة الحاسوب من افضل جامعة عاليمة معترف بها ولكن كل مرة اقدم مافى تعيين
ليه دى بقى فزورة
اها لمن اقتنعنا انه لا خيرا فى هذه الشهادة دقشنا السوق وربك ادانا من وسع الحمدلله

وغيرها كثير

وكما ذكرت ان هناك شماليين فى الخرطوم احسسنا معهم اننا اسرة واحدة وليس هناك اى اختلاف
على بالطلاق لمن اسرتى قررت العودة الى الجنوب نهائيا نسوان الحلة مرقن معانا حتى المطار الساعة 3 صباحا وهن يبكن وعربات الحلة ديل زى السيرة
هسع فى شئ جميل اكتر من كدة

تحدثت عن الصالح والطالح

ووصفت شعورى فى ذلك اليوم
سافرح لانى كسبت اشياء واحزن لانى فقدت اشياء ايضا

ذاك كل ما يدور بعقلى