انت داير حوار واصلاح ولا داير تشتم
تتفشى وبس؟؟؟؟؟؟؟؟؟؟؟
داير حوار دا منتدى للحوار وبما انك مضيت على الميثاق وموافق
على اللوائح وانا قلت موافق بدليل انك رشحت نفسك لمجلس ادارة هذا المكان
فيبقى اقول ليك المكان للحوار..للراى والراى الاخر...يحتمل الشيوعى والسلفى
الكوز ..والصفيحة والابريق والاسلامى والاسلاماوى والعلمانى والطليانى
لو داير تشاكل وتشتم كل يوم تجى تورينا مقدرتك الفذة وبشاعة اللالفاظ التى
تمتلكها اقول ليك دا ما محلو
الوطنية يا طارق لو بطريقتك دى والجهاد لو بالشتائم والجعجعة فى المنابر
بتمشى الانقاذ والانقاذيون مش لانكم وطنيين غيورين بتمشى لانها دى سنة الحكم
بس بجى العن منها والعن من الكيزان عارف ليه؟؟؟؟؟
عشان ما عندنا ناس تقيف فى وشهم ماعندنا ناس تناقشهم وتحاورهم وتجادلهم
عندنا ناس زيك كدا يجى الواحد يصرف ليهو كل يوم تلاتة اربعة كيلو شتائم
من النوع ابو كديس ويمشى..لا والجميل انه ينام غرير العين مرتاح البال
انه ناضل{ شفت كيف يا صاحبى الزمان}
وتقول لى ليه قدوقدو ضرب المسكينة؟؟؟
انا اقول ليك عشان مافى راجل ينصرها وبكرة كلنا بننضرب وهى بعضمة لسانها لما صرخت
قال يا امى عارفة انها براها...الجماعة الكانو بيتفرجوا ...بالليل كل زول جا حضن ليهو
كى بورد ويا الانقاذ جاك بلا
اها انت داير شنو؟؟؟؟ شتايم ولا حوار
والدايرو انا معاك
|