[فتحي مسعد حنفي]

المشاركة الأصلية كتبت بواسطة عابد عقيد

اقتباس:
المشاركة الأصلية كتبت بواسطة فتحي مسعد حنفي

مقبولة منك وأنا ذاتي حأتسربل معاك وعلي أسوأ الفروض حأتسرفل...السرفلة دي أسأل منها ترزي




هههههههههههههههههه

ترزي هنا يلمو فيهو وين يا خواجة ؟ الا اجي ميدان الجامع

لكن مداخلتك كنت بفكر فيها بنفس التفكير بتاعك ده ولمن لقيتا قلتا الخواجة كفاني عناء ضربات الكي بورد .... اعمل شنو ياخي لاعب لي باك

أها مادام اتفقنا يبقي أوريك السرفلة معناها شنو..عموما ولا يهمك أنا ذاتي ما كنت عارفا لغاية ما الحجة بقت ترسلني ميدان الجامع بي حاجات هي مخيطاهم للبنات في البيت وتقول لي وديهم يسرفلوهم.ودا عشان بعد ما هي تشطب الفستان بكون في الجزء الجوة في قلبة الفستان رايش خيوط والقماش الزايد ما بكون متساوي وبي السرفلة بشيلو الرايش ويسوو الزيادات ويلفقوها بالمكنة عشان القماش ما يتنسل مع اللبس أو الغسيل..
وأنا كلامي ممكن يكون فيهو حتت محتاجة لي سرفلة عشان ما يجي بابكر مخير الأنصاري يشخت فيهو كبريتة..
سؤال جنباوي..انت العرفك انو الحاجات دي في ميدان الجامع شنو وليه ما قلت روكسي أو شارع أسوان