[أشتر]

المشاركة الأصلية كتبت بواسطة سمراء

انا لله ياخ

أحيانا يا سمرا في كلام شويييية وبسييييييط من الممكن جدا يحرّك الساكن فينا برااااحة زي الخََدَر
بالمقابل الصور الغويطة ممكن تخلق تشابك في الرؤى لدرجة خيالك يتسريل وبعديها ينقطع حبل الواقع عن مجاراة الحقيقة
وفي الحالة دي بعتبر بعض الأشعار عبارة عن ويسكي ...
ماااااا بحل مشكلة لكن بِسكّرك ...
والفايدة العظيمة سَكَر بالمجان ...
بس أعتقد ممكن تفتح ليك آفاق رحبة لتصاوير موجودة بس ما شفناها
تفتح بصيرتك في لحظة مغمدين ونكوس بالخيال لغااااية تلكزك وفي أنفسكم أفلا تبصرون ...
يجوووووطك كدااااا لامن ربنا يغفر ليك ...
وعندما تفك (السكرة طبعن) تستغفر بأيٍّ من الكلمات الدالة على وجودو ...
أتي قايلة الآكشن دا بمرق ساااي كدا بمزاجنا ؟؟؟ ولّ على كيفنا ؟؟؟
ياخ دا نتيجة انصهار روح في بوخ شعور نتيجة انهزامك أو انتصارك أمام سطوة حس مااااا بنعرفو كيف سيطر علينا في غفلة أو في جفلة أو في حفلة أو في لحظة تفتح القفلة ...
وغايتو !!!
خليناها على الله ...
اسكاب لو جيت هنا علييييييك الله ارزعنا بى نضمي ثم قِد ...
الله دا كريييييم علينا يا اللخو ...