[الأغبش]

المشاركة الأصلية كتبت بواسطة سجمان

اقتباس:
المشاركة الأصلية كتبت بواسطة الأغبش
ياود نحن بنتكلم عن الواقع .. الاحلام دي بنفتح ليها بوست منفصل ..

تتذكر حلمي بتاع المزرعة الفدانين وفيها اوضة جالوص ديك ..

كدي اشرح لينا خرطة الشقة الفوق دي خلينا ننظر فيها ...



ياخي دي ما أحلام ما نحن هسة ساكنين وحنظل ساكنين وساكين قصة الفكرة الفوق دي لمن ربك يهونا..
مالو الواحد لو شارك الناس الفكرة.. تحبطو المعنويات وتجيبو الدفتريا انتو ياخ

أما مسألة الشقة (رغم إني ما بشجعو يعمل شقة) كالآتي:
المساحة 120 متر .
من المدخل إنت بتجي خاشي علي هول كبير يحتوي علي صالون شكل L في ركنه القاصي غرفة ..
حمام بالقرب من الصالون..
سفرة + كراسي جلوس..
ثم إن كل هذا مفصول بي باب "اكورديون) يفصل غرفة النوم بحمامها الداخلي وغرفة الأطفال..

بس الصورة ما بتقع ليك إلا عن طريق الرسم..

تعرف ..في حلة جمبنا اسمها الدافعاب تقع علي تلة الية في ضفاف النيل مباشرة ..عندي عمتي متزوجة هناك بيتهم حيطتو الغربية هي النيل ..بنتي امس قالت لي نبيع بيتنا ده ونمشي نسكن هناك ..

عارفك انت بتاع حيشان كبيرة ومعصور في الشقة دي ..
عشان الضيق ده انا مفكر ابني فوق عشان باقي الحوش فيهو 300 متر اخليها فاضية نبرطع فيها الي حين ميسرة ..
محمد قبل كم يوم قال لي عايزنك تعمل لينا بحر في الحوش ده وتجيب يهو تمساح وسمك ..شفت الخيال ده كيف