[فيصل سعد]

الحبيب النسيب دكتورنا
و عميد محبتنا بابكر :

السلام و التحايا .. شكرا لهذا الغضب المشروع .. و نهديك مقتطفات فى هجاء السفاحين و المستبدين و المتسطين بقلم الراحل صلاح احمد ابراهيم .. تعددت الدكتاتورية و الظلم و القهر و الكبت واحد و ما اشبه الليلة بالبارحة..

محاكمة الشاعر للسلطان الجائر

يا سفاح عشان تهنأ و تعيش فرعون
يا داسى الجثث يا الفى الفجر ملعون
يا سارق الفقير مانع على الماعون
يا عارض عرض فوق البلد طاعون

ما تتحوى بى آيات عزل معزولة
ما تغشك سبح متسولات بى قولا
مافيش اليقيك وكتين تجيك فى تولا
نوح نوحن كثير و أطرأ القيامة و هولا

أعزل لى دجل آية و تفادى الأخرى
قالت آخر الظلم الجحيم فى الأخرى
يا العاجباك أمارتك تنقز فخرا
ربك كيدو أكبر يوم يزنقك تخرا

خلى الدين بعيد ما تجروا توب فى دنيتك
ما قال ليك جوعو عبى فى صينيتك
ما قال ليك أسرف و سف و علّى بنيتك
و عربد و عير و عاند و خلى انسانيتك

خلى الدين بعيد ما تزيد جرايمك سيئة
راعى و بسألوك كيفن ظلمت رعية
يا الحمل الأمانة ظلوم جهول مادية
بتجيب الخبر عند البيقرا النية


اللعنة على كل ديكتاتور ظالم و متسلط و مستبد ..
و تبا لعهد السنسرة و النهب ثم السمسرة ..