[محمد النور كبر]

هيثم.. حبابك يا صديق

كتر خيرك على فتح النقاش حول فاعلية فضاءات الونسة السودانية (منتديات النت)..و التحية لكل الأصدقاء و الصديقات اللائي و الذين تداخلوا هنا..و كذا المتابعين و المتابعات..

معليش انا واحد من المقلين في الكتابة هنا بعد تسجيلي و اعادة تسجيلي..و اعادة اعادة تسجيلي..و برضك من الناس البتسجل و تقوم تضيع الباص ويرد و تقعد تتمحن.. المهم..

التجربة هي جديدة في محيط الثقافة السودانية..و جدواها تكمن في المقارنة بينها و بين الوسائل السابقة.. يعني زمان عشان تحرك الرأي العام و تجعله منخرطا في التفاعل في شأن عام ( سياسي ..اجتماعي .. رياضي.. الخ) الخيارات بتكون محدودة للغاية.. يعني ندوة محدودة الحضور.. او مساحة في صحيفة.. أو منشور سياسي .. او حفلة أو حلقة في اذاعة او تلفزيون.. عشان كده الدولة كانت متحكمة في الوسائل دي..و بتمرر خلالها ما ترغب..و تطفئ جذوة مالا ترغب فيه..و بالرغم من كل ذلك كان الشعب السوداني بيتحرك..و بيتفاعل مع الأمور..

بعد ظهور المنتديات الإسفيرية يبدو لي مساحة التواصل زادت كثيرا..و اصبحت ذات اثر كبير.. لكن حدثت محنة تانية و دي ح اشرحها ليك ..

نواصل..

كبر