طيبان يا حبيب كيفك ؟
وتحياتي لكل المتداخلين
محنة الأخ خالد الحاج أفرزت حالة غريبة (ليست على كل حال ) فهي تشبه كثيرا الحالة السودانية ... بوستات خرافية ... الموضوع واحد ... والردود واحدة (كوبي بيست ) من هنا لي هناك وهنااك وهنااااك ... وكأن الناس يتسابقون على الإعلان عن حبهم للخال (الذي ومن خلال حالات التفرد في إبداء الحب وصف بالحنّين )
ونحن كسودانيين - عاطفيا نستعدي الآخرين دائما حالما يتبين لنا الخيط الأبيض من الأسود وبعداك (فد ) معليش تقوم بالواجب
طيب عرفنا البيحب خالد شديييد منو ... والبيحبو شوية منو ... والمابيحبو (زي حالتنا دي ) منو
السؤال : ليه التعبير عن الحب الشديييد لشخص ما لا يتم إلا عبر الإساءة لأشخاص غيره ؟ وكأنه هو لا يحمل من الصفات ما نحبه من أجله ... ولكننا نحبه لأن الآخرين كعبين ؟
اللهم أشفنا نحن وخالد الحاج
الكثير من المداخلات - هنا - وهناك وهنااك وهنااااك ... فاضية ساكت
والتعبير عن الحب لمكان ما لا يتم عادة بنثر الكراهية في أماكن أخرى
ظاهرة المليون بوست دي أظهرت سلبيات كتيرة زي ما أفرزت إيجابيات
طيبان ... دخلت لا إيدك لا كراعك في خانة دفاع عن نفس ... برغم موضوعيتك التي تحسد عليها وصبرك الخرافي
|