[ناصر يوسف]

المشاركة الأصلية كتبت بواسطة طيبان

الأخ حافظ :


الأخ ناصر/صورة للعم فتحي :
انقلوا لدكتور زين عبدالله عدم رغبتي في الحديث إليه عبر الهاتف ..فليس بيني وبينه موضوع شخصي تتم مناقشته من وراء حجاب ..

بيني وبينه ما كُتب هنا ..وماَلاته التي انتهت بمداخلة ناصر يوسف الأخيرة .. رغم تحفّظي الشديد علي مسألة نقل الحديث عبر طرف ثالث ..وهو موقفي المعلن منذ مداخلتي الأولي في هذا الموضوع ..

يا عم فتحي :
أرجو أن تعفيني من حسن ظنّك فيّ هذه المرّة .. فأنا أري أن الحديث مع الدكتور حول ما حدث لن يكون له جدوي .. وأهو البوست بيتشطّب ..

___

سأختم حديثي برد دكتور أنس البدوي ..المنشور بالبركل حول توضيح ناصر يوسف نقلاً عن د/زين عبدالله ..

لا إله إلا الله محمد رسول الله

حقيقي زعلتني منك يا طيبان يا أخوي

زعلتني منك بالجد ؟؟؟

مسألة تحفظك في حكاية الطرف التالت دي .. ليك الحق إنك تِتحَفظ عليها .....

لكن ما شاف إنها قد تكون قاسية بعض الشئ في نفس الطرف التالت ده ؟؟

وهو بينقل بكل وكااااامل الحيادية ؟؟؟؟



وقد تقول .. لييييييييييه د. زين ما عاوز يجي ويكتب كما سأل نفس السؤال د. أنس ربنا يديه العافيه ...

حأرد عليك كلام د. زين معاي ( وبرضو أظنك ما حتاخد بيهو لأنك عندك رأي في الطرف التالت ) ...

د. زين بيقول هو مططططططططططططططلقاً ما حيجي ويكتب في مسألة حساسة زي دي عبر العام ... ولما طلب رقم تلفونك وبكامل التأدب إستأذنك في ذلك .... لأنو في أمور بيناتكم إنتو كأطباء وفي حقل طبي واحد بيجمعكم وعندكم لغتكم النحن ما عندنا بيها أي علاقة ...

وهو بيبرر ده كإحترام لزملاءه د. أسامه ود. صلاح ود. أنس

وإنتَ رفضت تتكلم معاه عبر الهاتف بدعوي ( ما عندك بيهو علاقة شخصية )

والله كم أنا زول سااااااازج

لأني بعتبر كل بورداب سودانيات هم أهل وما بيناتهم مثل هذه الحساسيات ... أو هذه الأحكام.


عموماً ...

تحفظك في مسألة الطرف التااااااااالت والهو أنا عندها قول قد أفسرو أنا وأي إنسان آخر بإني ..

مجرد زول كضاااااااااااااااااااااب .. بيحاول إنو يصلح الأشياء بكذب وتلفيق بائن ... يعني يُلون الأشياء ويزينها لتظهر بشكل مقبول وهي غير ذلك في الأصل.

صدقني ما عندي ليها أي تفسير تاني يا طيبان يا أخوي

والله العظيم أُشهدُه علي صدق أي حرف كتبته هنا منذ بدء محنة الحبيب

خالد الحاج ...

ونسأل ربنا إنو يتمم عليه الشفاء العاجل يا رب العالمين


نهايتو ....

وهذا قراري النهائي ..

وهو ليس كرد فعلٍ للآني من مشكل بائن .. بل لمتراكمات مترادفة ظلت تعلق بالقلب ...

منذ اليوم

سيكون دخولي لسودانيات كــ ( زااااااااااااااائر) فقط.

وهذا إن وجدت المزاج والوقت للدخول لقراءة ما يفيد فقط

شكراً لك وشكراً لأهلي أهل سودانيات وشكراً لأي قلم سوداني يكتب عبر الإنترنيت

فلقد تعلمنا منكم الكثير

وكفانا إلي هذا المنتهي

حفاظاً علي ماء الوجه وحفاظاً علي شعرة معاوية
سأتوقف هنا

والآآآآآآآآآآآآآآآآآآن

كونوا بعافية