[طيبان]

المشاركة الأصلية كتبت بواسطة حافظ حسين

يا سلام و الله القراية بحسن النية دي أصلاً ما كويسة ... يا خي انا قبيل قريت الكلام دا بحسن نية خالص لكن وقت رجعت تاني لقيت النية سودت ..... يا طيبان دا كلام شنو الكاتبه دا؟
يا طيبان أنا حافظ هنا بمثل نفسي و مسئول عن أي حرف بكتبه هنا شنو جامعني يهبشوا (واو الجماعة دي لي أنا و منو الكتبوا كلام ما في محله) أتمني أنك تحاسبني أنا كفرد ما أنا الجماعة و أكتر حاجة بعتز بيها في الدنيا فرديانتي ... فرديانية دي ما جاية من فريد لكن من زول لقي نفسه ما بقدر بعيش في قطيع عارف كيف؟

و تعال كلامي الما في محله دا وينو أنا كحافظ .... أنا كتبت هنا لنبراس كصديقة و زميلة معانا قولت ليها بالواضح ما تشكري بإسمي ناس الزيتونة , وكتبت تساؤولاتي المشروعة جداً في النظام الصحي السوداني.... لا جبت سيرة زيد لا عبيد عشان أقول بعرف و لا ما بعرف .... رجاء راجع مداخلاتي كلها لو لقيت أنا جرحت زول بالإسم قول

الله دا كريم .. يا حافظ
شوف المداخلة دي ربنا رجّعني ليها كيف .. صح والله .. رزق زول ما بياكلو زول ..
عن الجزء الأوّل :
كلامي الخلاك أعلنت فردانيتك هو

شنو حكاية كل ما يهبشوا واحد في كلام مافي محلّو يجي يشهر لينا سيف كتابة بوست عن النظام الصحّي في السودان ..؟؟

يا حافظ أنا خطابي موجّه ليك في محيط ماحدث بمستشفي الزيتونة .. جيت أعلنت لي فكرة بوست عن النظام الصحّي والسمّيتو health information system in Sudan وكأني بترافع عن النظام الصحّي ..
نفس طريقتك بتاعة ( سياسة بسمارك الخارجية ) دي جاتني بيها الأخت جيجي في نفس البوست دا وأعلنت في إحدي ردودها عليّ عن نيّتها برضو لاحقا في كتابة :

بوست مختلف يدخل تحت مسمى مجاملة الاطباء لبعضهم البعض على حساب المريض

لذا كان تعليقي الفوق دا .. والذي ماعجبك ..وطالبتني بمحاسبتك كفرد ..لأنك بتعتز بفردانيتك - المامن فريد - لأنّك لقيت نفسك مابتقدر تعيش في قطيع .. أو كما قلت ..

أنا ما قاعد أحاسب في زول هنا يا حافظ .. فكرتي مختوتة من بداية البوست ..وقاعد أحاحي عنها .. وهي في الأساس مبنيّة علي مبدأ رفض الإتهامات المجانيّة في الموضوع المعيّن ..
أها يا حافظ عرفت سبب الجمع شنو ؟؟ وللا مصر لسّة نسحب ليك واو الجماعة ..عشان تستمتع بالفردانيّة - أدامها الله عليك نعمة .. وحفظها من الزوال - ..

عن الجزء التاني :
البوست دا من الله دقّاهو في المنتدي ما جبنا فيهو سيرة زول أساء زول في شخصو ..موضوعو كما تعلم هو تبخيس ماقام به الإخوة بمستشفي الزيتونة ..وإنت خضت مع الخائضين مشيراً لتقصير من المستشفي ..يعني من كادر المستشفي حسب مفهوم ملاحظتك ..
كان لحست كلامك قول لحستو ..أوكمان بقتبس ليك كلامك حول الموضوع وبجيبو ..
وسفراً بالإيد .. مو بعيد ...

__

تحيّاتي ..