[مرافي]

المشاركة الأصلية كتبت بواسطة بابكر مخير

إن دايرين مني نصيحة!!
الناس ديل خلوهم بعييييييييييييد..
إن قربتو منهم بتتصلقو فيهم عدييييل، تذوبو وسطهم..
الناس ديل هم النار، إن قربتو حرارة المحبة بتحرقكم
وهم الضو، جمالهم بجهركم
وهم بحر بيغرقو بي طيبتهم
ديل إن عرفتا واحد واديتهو فرصة يجاملك، شيل شيلتك ما بتلقآ ليك فجة تتنفس فيها من كترت المجاملة..
ديلا بيكملوا "ود عماريك" (الشي كلهم ناس تمباك)
صاحبهم وتلقآ العنكبوت سكن جيبك، ما اصلن ما بتحتاج تدخل يدك في جيبك عشان تدفع (عات ما عمدتنا عكود، بيوريك صنوف الكرم)
صاحبهم وتلقآ سماحة الخلق والخلقة، تعقدك في حياتك...
ناس البركل (الموقع) لاقيت منهم 5 وشوية يمكن زيادة، لكني عرفتهم كلهم...
دقدقدقدقدق، فلان ودآك وقال وكتب..
ناس عفوية كاملة، طيبة لامة..
الحكمة خلودي ما من البركل المكان لكنه سكن البركل جوآ الناس وبقوا كلهم "براكلآ"...


تحريشة:
تعالوا كلنا نسجل عضوية في "البركل" ونشوف طولة بال أهلي الشوايقة قدر كيف؟؟
بالله "مبر وتوحة وروفي وعباس الشريف" إلا يخلوهم يهاجروا ل"نمولي"

صدقت والله يادكتورنا

انا شخصياً استمتعت بمجالستن في حضرة خالد الحاج الله يقوموا بالسلامة

حوار راقي وتاني ختموها لينا بالشعر اسكت ساااي سكرنا من غير خمرة

اما الكرم فاسكت خلو خمج بس والعشاء يشهد..

كان في جعبتنا الكثير عن لقاءات دبي مع الخال

الا مرضو مسخ علينا كل شيء

من هنا الشكر لكل اعضاء البركل وخاصة الذين كانوا وكنا معهم في حضرة الخال

غايتو انا عندي واسطة للاشتراك..