قلمك بيكتب بحياء
ما خد طبعه منك..
تشعر بيهو داير ينطلق ولكن ذي الفي زول بعصلج فيهو ويمنعه..
كلماتك فيها المخفى (التقول عربيات الأمن) وفيها المدسوس..... لو كانت فلانة؟؟؟
(هي منهو) كان كّبّت الحديث وبدون كّبِت..
الحزن له طعم،
كما الفرح له طعم،،
لكل منهم وكت طعمهو الوكت دآك بيكون مرغوب،،
بعض الحزن يجلب الدمع السخين وكثير الفرح برضه بدمع بالعين،،
شوفتي يما!!
الحزن قليله بيبكي والفرح إلا كتيرهو بيدمع..
الحزن أقوى فهو ليس صنيعة البشر في أغلب الأحيان والفرح يمكن حتى الطفل الرضيع أن يخلقه..
الحزن يستمر لفترات أطول من الفرح،، (أهو كم عشرين سنة وإحنا في حزن الإنقاص ويااا دوبك تلاتة سنين بالكتير، ديمقراطية)
بعد الفرح، ساهل تحزن (حتى لو لي لحظات الفرح الكانت) وبعد الحزن ياخدك وكت والعبرة تقيف في الحلق لتمنع الفرح
غايتهو لو عملوا إستفتاء بين الحزن والفرح..
ظنيتهو 99.55 في المية حتكون لصالح الحزن...
تقولي ليا الحزن
مالهو؟؟
عااااااااااادي
"متشائم، مش كدآ؟"
التعديل الأخير تم بواسطة بابكر مخير ; 01-02-2011 الساعة 04:01 AM.
|