[طارق الحسن محمد]

المشاركة الأصلية كتبت بواسطة عبد العظيم السعيد الحسن

زمان في التسعينات ..
كنت شغال في احد المشاريع بشرق السعودية على طريق يؤدي للكويت ..
المنطقة خلوية ..
جانا زول مارق من الخلا ..
ماشي حفيان وجاري عكازو وراهو ..
بادربالسلام وسال .. اللخو سوداني .. ؟
قتلو .. نعم ..
وجرّت الونسة ..
وطلع الزول راعي وشكري وبدون اقامة ..
حلف الا امشي معاهو محل قاعد ..
ركبنا العربية وضربنا الخلا ..
وقفنا عند خيمة منصوبة ..
خرجت منها بدوية .. سمهرية القوام .. والبرقع يظهر جمال عيونا السود ..
قالي .. دي عمتي .. (يعني الكفيلة) ..
صاحت العمة .. ضيّف الرجال ..
برك تحت ناقة وحلب لي ..
قتلو وين عمك (كفيلة) ..؟
قال عمو يغيب باليومين والتلاتة ..
ونحنا نسرح بي ابلنا في الخلا دا ..
مرة على الكويت ومرات قطر ..
اسع الزول دا اكان لقا حفلة يسوي شنو .. ؟
مش كويس البقت على العرضي والكشف .. ؟
ياخي الناس ديل شقيانين شقا في الدنيا دي .. !
اعذروهن ..

الحفلة يسوى بيها شنو

؟ ؟ ؟