اقتباس:
المشاركة الأصلية كتبت بواسطة ناصر يوسف
الأولي ...
غير الماتشينق أنا أبوي الله يرحمكه ويغفر ليه ويجعله من سكان الجنَّه
سماني علي جمال عبد الناصر .. وما ضبح لي وعمل سماية إلا بعد ما جاهو رد من جمال عبد الناصر القال فيهو:
جعله الله من أبناء الأمة العربية الشنو داك ما عارف .. ووعد أبوي ( الله يرحمهم الإتنين) بإنو لما الغلام ده ( والهو أنا طبعاً) لما أبلُغ من العمر سبة أعوام هو حيهديني عربية ... تتخيلي ؟؟
طبعاً في ناس شمارات كُتاااااااار حيجوا يسألوني ... أها والعربية جاتك ولا بقي كلام سياسيين فارغ في محتواهو ساكت ...
أنا ما عاااااااااارف نفسي ... أصلي زولاً فَقُر ونَقُر من ما ولدوني ... وأنا ماشي أتم السبببببببعة سنوات ... علا أسمع ليك في راديو هُنا أمدرمان الوااااحد الما بغباني ده ... وشنو قال ... الزعيم جمال عبد الناصر ماااااااااااااات ...
حقيقي بكيت والناس كانوا فاكرني ببكي عشانوا هو وأنا كنت ببكي عشان العربييييييييييييييييييييه
إنَّ لله ياخ
التاااااانية يا ميسون بت عمي مطر
الإتحاديين وناس حزب الأمه ديل يخربني ما صادفتهم ولا جوا مهوبين ناحيتي ... وهم ظاااااتم ياااا ربي كان عندهم تمثيل في طلاب المعهد زمان ؟؟؟
إحتماااااااااااااال
يلاااااااااااااااااااا علي قول عمر الطيب الدوش عليه الرحمة الزول العاش نضيف ومات نضيف
|
ووب علي يا ناصر إنت من زمن عبدالناصر .... غايتو يا حليمة ختي في بطنك بطيخة صيف ولدك جاهل و صغير .... تعالي شوفي ناس جمال عبدالناصر ديل ...
غايتو يا صديق البوست دا برسله لأمي جري عشان تاني ما تشبكني يا ولدي عرس و الاولاد القدرك أولادهم في المدرسة ... أها يا حاجة دا بيان بالعمل الزول دا من الثورة المصرية و لحد هسي ما عرس و مستني العربية ... أمشي إنت جيب سيرة رحيق و القصص دي عشان أطلع د
أها قبت لي الشيوعيين بيقولوا ليك كوز و الكيزان بيقولوا ليك شيوعي كافر
غايتو الشقي يعتر ليه دقنه
