[أشتر]

المشاركة الأصلية كتبت بواسطة أشتر

لازم أعيد ليك تسجيلا مرة تانية بصوتي لكي نوطي شخشخة التكنولوجيا بحاجة من الميديا النضيفة ...

شفتا المدورة دي كيف يا اسكابشنوز ؟؟؟
جينا نوطي شخشخة التكنلوجيا بقينا في الطريقة التّوطي شخشختنا !!!!!!!
وطّيناها لكن وِطتنا وكسرت بخاطرنا الكايسنو يتجبر ...

في بالنا كلام .. والقدر في بالو فعل ... ودا الفرق بين جعجعتنا وقُدرتو ..
بس ما اعتقد اشتياقي ليك دا قابل للنقاش ...
أو أقوم ببساطة كدا أعبّر عنو ...
كلامي دا ما تعتبرو انشا ساكت ومجاملة أسافير ..
خالد الحاج انا ما لاقيتو نهائي في حياتي لكن احزني جدا رحيلو ...
وكمية حزني ورتني قدُر شنو ممكن ناس تخشك عنوة كدا بحاجاتم .. وما تمرق منك إلا كسر رقبة ..
إتا قايل الدخلو شوية ولّ المرقو كتار ؟؟؟
أجدع لينا حاجة كدا نفرزع بيها الدواخل (الـمِصلّبة) دي عليك الله
(مع الاعتذار للغة الجسد)
وكرمشت وشي دي الأبت تنطرح ...