[عكــود]

"الكرّيق" عندنا بنقولوا لأعقاب الجريد الناشف الملتصق بساق النخلة، البنتسخدمو سلّم لطلوعها. طبعاً أشبه ما يكون بظهر التمساح (نشافو وبروزو)، دي واحدة. تانياً الكلمة (تسمية التمساح ب أب كرّيق) جات زي ما هي مافيها زيادة حرف كما في "الكوريق".

سلام يا مُحسن،

أوّل حاجة خلّيني إعتذر عن الكلمة الأوردتها غلط في حديثي الفوق ده (أعفى لي يا عملات بابكر عبّاس).
الكلمة هي "الكَرّوق" بالواو، وماها "الكرّيق". إتذكّرتها وأنا في دربي على البيت راجع من الشُغُل، قتّ سريع ألحقك أصحّح المعلومة دي (ياخي والله القعاد الطويل في البنادر، خرب لُغتنا تب!).
لكن برضو يشبه ضهر التمساح .

من ناحية الترميز، ما بيناتنا خلاف، وكلامي وكلامك واحد. تحفّظي فقط كان في رمز (أب كريق) ودلالاتو بأن التمساح يأخذ فريسته كما يفعل الكوريق.
لكن، بعد تصحيحي الفوق ده والكرّوق، يا أشوف لي صرفة تانية، يا كمان أرضى بالكوريق.

أمّا عن "الثلاثية القاتلة" (آرتيق، آرنيق، أرقوق)، فبالتأكيد بجيك ليها راجع، بس الأنجّض معلومتي وأجيك.

تسلم ياخي على كلامك السمح في حقّي.