[أشتر]

المشاركة الأصلية كتبت بواسطة طارق الحسن محمد

سبحان الذى
جعل هذا البوست حواريا وثم اجتماعيا
ثم ....
رد الله فى روحه فجعله حواريا مرة اخرى
بامتياز
تخريمة :
فلنهتف سويا
.... الشعب يريد اسقاط الاجتماعى
الشعب يريد اسقاط الاجتماعى

والله يا طارق كلمتهم من قولت تيت ... ولا اشتغلو بكلامي ..
الزول دا (أي اسكابشن) عندو مخزن ميديا متمسح لود عينو ..
ودا الهدف من القصة دي كلها ...
قال لي غيّر اسمو ياخ ...
قتا ليو أغيّرو كيفن واسمي واسمك في خانة واحدة وقصة حبنا مكتوبة .. كنوع من التآلف طبعن ...
قام سكت ... إعتبرتو رضا..
قبل كدا قتا ليهم كبو الشغلانة كلها في قالب واحد يسع الناس جميعا ما سمعو كلامي ...
هو أصلا المسافة بين موضوعي وموضوعك كِلِك ... فما تكترث كتير ...
بس داير أقول ليك حاجة مهمة ...
من متين اجتماعياتنا مغلقة في وش الناس ...
العندو حفلة صيوانو في الشارع ... والعندو بكا بجيبنا السكليب ..
أعتقد الزوار برضو عندهم الحق في معرفة بعض جوانب النشاط الاجتماعي ودي فئة ما شوية ...
غايتو انا معاك في المظاهرة دي وسجّلني في طلائع المتقدمين لاسقاط الامبريالية والهيمنة الفكرية والظلم الاجتماعي