اقتباس:
المشاركة الأصلية كتبت بواسطة ناصر يوسف
سألت الأخت سمراء
الناس ما مشوا ميدان أبو جنزير ليه ؟؟؟
والإجابة واضحه جداً يا سمراء ...
الوعي
مافي أي وعي بحتمية التغيير
وبس
ويمكن يكونو محتاجين زلازال بدرجة 20 ريختر عشان يفوقوا من الغيبوبه المتعمده الدخلوهم فيها مع سبق الاصرار والترصد.
ومن الاسباب الرئيسيه الدعم من الخارج يعني كل اسره عندها ولد او بت او اكتر خارج السودان وبيقضوا الفروقات بين الدخل والمنصرف وعشان كده كل الاسر العندها مغترب في الخليج اوباقي دول العالم ما حاسين بمعاناة .
والدة زوجي كانت مريضه واولادها البره سفروها هي وباقي افراد الاسره الفي الداخلل للقاهره للعلاج وفي نقاش على خلفية احداث خلع حسني مبارك زوجي قال ليهم عقبال عمر البشير , امه قالت ليه ليه عشان يجونا ناس الصادق , رد عليها زوجي البشير عمل ليكم شنو بيقري اولادكم مجانا بيعالجكم وانتي حسي لو ما نحنا بره وسفرناكي للعلاج كان اتعالجتي والناس الما عندها زول يسفرهم بيقدروا يتعالجوا في السودان.
الكلام الفوق ده حاله على سبيل المثال وفعلا الناس بي قروشها بتموت في مستشفيات السودان لانو الفساد في كل المؤسسات والاسوأ في البنيه التحتيه الاساسيه(تعليم وصحه وخدمات اساسيه)
انا ما عارفه محمد فرح عمل بحث ميداني وين عشان يقول الاغلبيه بتحب البشير والله محن سودانيه على قول عمنا شوقي بدري