[عبداللطيف النقر]

اقتباس:
المشاركة الأصلية كتبت بواسطة الجيلى أحمد

كاااااااااااااك



النقر ازيك يااخى

ازييك يا دهرى --

اول امس قريت لك كلام كويس -- معناه ما تكرهوا الناس وترموهم فى أحضان الانقاذ -- واعتبرت كلامك كلام زول دهرى جد -- لكن للاسف كلما يمر يوم بتجد الناس هنا منشغلين بأشياء عديدة -- وكل واحد متمسك برأيه للطيش --

تصدق يا جيلى --

يوم الخميس جاتنى رساله فى الخاص عنوانها ومحتواها واحد -- SHUT UP
طبعا سكتا ورديت ليهو -- وانا أعرف توجهه ولكنى لا أعرفه شخصيا -- اما توجهه السياسى وحزبه فهو من الاحزاب القمعية المعروفة فى العالم -- وما دايرة تعريف -- والذى لو قدر له ان يستلم السلطة لما تمكن احد ان يتكلم او ينطق بكلمة -- وما اليمقراطية الا وسيلة تمتطى -- بالزبط زى الكيزان او أسوأ منها فالكوز ما بصلك الا أذا حاولت تشرب بيهو -- اما هم فهم يعلقون لك الكوز فى الشكمان كما فى لوارى السفنجة البدفورد و يخلوك تصففر مع الهواء --
وكما قلب الكيزان الحكومة وامتطوا ظهر العسكر الذين فنجطوا ورموهم من ظهورهم فحزبه ايضا قلبوا الحكومة الديمقراطية وامتطو العسكر لكن كان ضهر اب عاج اعتى ففنجط بهم --