[عكــود]

المشاركة الأصلية كتبت بواسطة أشتر

المكشن يا فخري ... المكشششششن اسمو ...
ياخ اي حاجة فيها بصل طوالي كشّن الميم وادخل بالكنش ...
النسوان ديل تراهن قاعدات يجاوبنك علا اعتبر المداخلة دي تِحِشِّر ساي مني ...

حسّون محمد سعيد قال:
لمّن وصلنا الكوبري،
كنّا خلااااص تعبنا ودُشنا
لكن هُشنا ساعة جاتنا ريحة الكُشنة
(ديل الحيران لاحقين صدقة أحمد بكري)

أحمد بكري . .
لو دايرين تعرفوا حكايتو . .
بالخير ربّكم يطراهو . .
واحد أفندي . .
منقول للقرير من شندي
كان زولاً كريم واجواد
أكلو رغيف
ولبسو ظريف . .
وكل يوماً قميص بشرايتو
ما بيركب حمار حاشاهو . .
عندو جواد . .
والسايس دوام يبراهو
بيتو اسمنتي مبلوط كلّو
والحوش داك . .
أسكت خلّو
القمّيز داير ما يدور بيضلّو
***
يوم جاهو الخبر بي أمّو . .
والناس في المحطة اتلموا . .
يكشحوا في التراب ويخموا . .

"زايلي الدنيا دي وخرباني"
"زايلي الدنيا زايلي وفاني"
زايلي الدنيا حي حي ووب"
"يا أم أحمد الحبوب"

نأسف لحرف البوست.