اقتباس:
المشاركة الأصلية كتبت بواسطة نبيل عبد الرحيم
ولكن إختراق الشللية والإندماج معهم صعب شوية إلا فى حالة واحدة وهى لقائهم وجها لوجه وليس عبر الكيبورد أو الإنتقال لمنطقتهم الجغرافية .
|
العزيز نبيل ،
ماعارفه كلامك ده اعتقد بانو ماصاح ..بدليل انى دخلتة سودانيات والله يانبيل عن
طريق لقوقل ! ومابعرف فيها اى انسان ، وسبحان الله دخلته ومن اول حرف انا كتبتو ماحسيت انى غريبة على الناس ولاهم حسسونى بكده ! وبالعكس والله فى ناس كتار افتكرو انى عضوة قديمة دخلت بيوزر جديد ، وكتير من الرسائل وصلتنى بالفهم ده .
الكلام الانا عاوذه اقولو ليك يانبيل وحسب رؤيتي الانسان حسب حركتو وانفعالو مع الاخرين بحدد مساحاتو وسطهم ، لانو الناس بتدخل مابتعرف بعض ، وبتعارفو لاحقا
وده ماعيب ...ده واقع بفرضو نفسو انى اتعاملته معاك وعرفتك ما اظن بكون فى منقصة او تأثير على شكل تواجد الاخر !
الفيصل برجع لى شكل المواضيع والميول والامزجه ..