[سمراء]

شوف ياعمو لزيز انت
ولا حقو الواحد زاتو يقول ليك يا" جدو " لزيز
اى بس عارف ليه
كيتاً فيك وكيتاً فى الكلام القلتو لى خالد فى المستشفى وماقدر يرد ليك
بس انا قررته اشيل التار
رايك شنو اقوم ارد ليك ؟
شكلك حاتزوغ

شوف ياعمو عزيز يامالزيز ، الفترة الفاتت دى كلها عليك الله شيله وارميها وراء ضهرك..عشان نقدر نمش لى قدام...
وذى ماقلت اى انسان حزن بطريقتو ، واى انسان فقد الخال بصورة خاصة بيهو ..عارف ليه ؟
لانو الخال ربنا يرحمو كان عندو علاقة خاصة باى زول ، واى انسان كان بفتكر انو علاقتو اخص واشد دون الاخرين ! بس تاكد انو الخال قلبو كان بسع كل الناس ...كل الناس ياخطاب ، وحتى فى ناس نحن مابنعرفهم قابلناهم هنا ولمن يحكو بتحس انو علاقتو بيهم بس ..
عشان كده ماتفتح ابواب اتقفلت ياعمو لزيز وياريت نقلب كل الصفحات ونبداء رحلة حمل الامانة ويدنا فى بعض كل زول وقدرتو وحاجاتو الجميلة .
نرعاهو ونحتمى بيهو ..
قلت شنو ؟
يلا كدى ارفع راسك وشيل نضارتك الشينة دى وعاين لى ...
خلاص اتفقنا ؟؟