[نبيل عبد الرحيم]

اقتباس:
عابد عقيد

الاخ نبيل - لك السلام

الادارة يا نبيل ما تقدر تفرض علي الاعضاء انهم يتداخلوا في المواضيع الهادفة والجانب ده بعتمد علي العضو نفسو ومدي امتلاكو لأدوات النقاش المثمر ... ولو لاحظنا بنلقي في مواضيع غطست وراحت في زخم الشات القاعد يتم هنا ...ودي اشكالية وبتعمل علي نسف مفهوم منابر الحوار واهدافها .. والشللية من ناحية عيب في الحتة دي هي عيب وعيب كبير جدا كمان ويمكن الشارع والمدرسة او الجامعة بتستحملوا تواجد الشلة لكن منبر عام من المستحيل يتقبل الفهم ده .. زمان سودانيات لتواجد الاقلام الراقية كانت بتتقبل اي عضو جديد لكن الليلة العضو البجي خاشي المنبر بكون احساسو انو غريب بين الناس ولّ مجبور يذوب في الجو العام السائد الطاغي عليهو عدم الجدية ... وانا لاحظت انو الناس حصل ليها خلط ما بين الميول لجانب معين سواء كان سياسي او رياضي او غيرو وبين الشلة ... فالميول و الفكرة ما بعني الشلة رغم انو الشلة هي في حد زاتا ميول لكن ميول لاشخاص بعينم ... يعني هسي انت لو نزّلت موضوع رياضي وعندك شلة ممكن يخشو معاك حتي لو ما عندهم علاقة بالرياضة والعكس صحيح لو حصل الكلام ده من زول ما من ضمن الشلة وقام بكتابة موضوع صادف اهواء البعض مافي زول بشتغل بيهو الشغلة .... وده ببدد القيمة الاساسية لمفهوم المنابر التم انشائها للحوار ...نحن محتاجين لمجهود كبير ومضاعف علي الاقل عشان ما نتحول لاضحوكة اسفيرية ..... فيا اما نكون جادين ونرفد الساحة بما هو مفيد ول منتدانا ده ح يكون ناقصو اللون البينك ويتحول لساحة دردشة زي ما قاعدين نشوف بعض المنتديات الحايمة في الشبكة دي .


تحياتي
.................................................. .

أشكرك أخى عابد على هذه المداخلة التى أتفق مع كل حرفا فيه وأعتقد إنها لخصت المشكلة بكل أبعادها وهو ماأردت أن أقوله أ أشكرك على الصراحة والوضوح
وأعتقد أننا جميعا حريصين على وجود هذا البيت ونقدنا بناء ولا نود أن يصبح هذا المنتدى قاصرا على مجموعة معينة حولت المنتدى لشات ومن يعتقد أننا قادرين على إختراق الشللية فأقول له مستحيل لأن ذلك يتطلب إمكانيات خاصة لا تتوافر للجميع
وأكرر ليس قيمة الموضوع هو مايجذب هؤلاء سواء رياضى سياسى أو إجتماعى بل أشياء أخرى وهم يناصرون بعضهم البعض ظالما أو مظلوما