اقتباس:
المشاركة الأصلية كتبت بواسطة محسن خالد
رَدِّيت العين
وجَمَّلت الشين
ساويت السين
ولـبليت بالشين
وشوووقك شاويني
طــه يا الساكن أم الصيني
لولاك يا خزين
لا جنان لا تين
ما قام يقطين
ولا نبات في طين
وشوووقك شاويني
أووو يا الساكن أم الصيني
يا ياسين ويا سِر السين
أنا بيك تحصيني
ياء، ميم.. لا تكون لا سين
وشوووقك شاويني
الليلة يا الساكن أم الصيني
مدحك راء شينِ
وفيك مماشيني
في الدين ناشيني
وخيرو بعشيني
وشوووقك شاويني
الليلة يا الساكن أم الصيني
علي المُبارك، من قصيد ود سليمان
-----------------
دعنا على هامش الرموز، نراقب ما يقوله المتصوّفة، لتتأكّد أنَّ هؤلاء الناس معهم معرفة مذهلة بالرموز، ودلالاتها الحروفية القديمة.
|
والله يا سحس بعد كدة موضوعنا ح يستحمى (خاصة بعد استشهادك الأخير دا)
وبدل نركز في معايشنا داير تخرب طبعنا وتخلينا نبرى القراية
تتذكر كلامي داااااااااك بتاع المبدع المهووس بمجالو وإنه هو البحرر سوق مجالو
أهو دا أنت حررت سوق القراية جد جد
الله يخضر ضراعك
غايتو حظ الفنان التشكيلي البركب جمبك في السفر العظيم دا
منها بتمتع بمعرفة جديدة ومنها بخلد اسمه في الدنيا دي