اقتباس:
المشاركة الأصلية كتبت بواسطة بابكر عباس
أنا ما شايف أي مشكلة لو انت أثبت الحالة الحمارية بتاعتي، نرجع و نقول ليك كلامك صاح و انا حمار
|
الله يجازيك يا بابكر عباس ..
أنا مشغول جدا و ماقادر أقعد أكتب لمحسن كلام كتير حيثري حوارنا شديد ، لكني مضطر أكتب ليك إنت أولا لسببين :
1- أنا آسف جدا لكون صياغتي للكلام أوحت ليك بإني بستحمرك و بأغلظ ليك في القول فده قطعا ما من طبعي و لا من أخلاقي .. فلك العتبى حتى ترضى
2- تعاملك مع كلامي ده بينطبق عليه (ضربني و بكى ، سبقني و إشتكى
) .. لأني قصدت إنك اللي بتضعني في الحالة الحمارية لا العكس .. مادمت بتتهمني بالتناقض مرتين (مرة في موضوع خنثى و مرة في إني بعمل في نفس البنتقده من كتابة محسن) و ده في رأيي ما بعملها إلا زول بتتلبسه حالة حمارية
) .. كدي لاحظ لصيغة سؤالك :
اقتباس:
المشاركة الأصلية كتبت بواسطة بابكر عباس
ألا يعتبر إستخدامك للعلم المادي للوصول لخلاصات دينية، نوعا من الخلط المعرفي و الإستغلال للعلم؟
|
إنت هنا وضعت قضية إستخدامي للعلم المادي (على حد تعبيرك) للوصول لخلاصات دينية من باب المسلمات و بنيت عليه الحكم بالخلط المعرفي و الإستغلال .. فلو جاوبت أنا بالنفي على سؤالك حأوافقك في المقدمة البنيت عليها حكمك و ده القصدته لما قلت ليك :
اقتباس:
المشاركة الأصلية كتبت بواسطة Mohammed Qurashi
سؤالك ده عامل زي الزول يجي يقول ليك (إنت ما شايف إن الحاله الحمارية اللي بتتلبسك دي .. هي السبب في التخليط العملته ده) .. فلو قلت ليه لأ ، حتثبت الحالة الحمارية عليك !!
|
فسؤالك هو البيعاني من خلط معرفي قوامه إلتباس علاقة العلم و الدين لديك في تقديري .. و تكراري لأسئلتي كان بغرض مناقشة منهجية التفكير العلمي معاك علشان تكون مدخل لأوضح ليك فهمي لعلاقة العلم بالدين .. و علشان كده قلت ليك
اقتباس:
المشاركة الأصلية كتبت بواسطة Mohammed Qurashi
كدي جاوب على أسئلتي الأول و بوريك لقدام مدى التخليط اللي في سؤالك الفوق داك
|
أرجو إنو يكون وضح ليك المغزى الكامل من كلامي الفوق داك و حاشاك من إن تكون دحش ترقى لمرتبة الحمارية
.. بالنسبة لأسئلتي فأنا ماشايف إنو إعترافك بوجود حشرات خنثى حيحلك منها لأنها ما متعلقة بيها .. عادي ممكن الزول يكون ماعارف معلومة و يفتش و يلقاها .. ده ما بيقدح في تفكيره العلمي .. لكن أن تطلق أحكام محدده حول الطبيعي و المرضي .. و أن تنفي عن ظاهرة ما (الفراشة) صفة الطبيعية بتعليل أنها طفرة جينية .. الحاجات دي محتاجه وقفه علشان أشوف فهمك فيها شنو و عندي كلام كتير فيها من غيره ما حينفع تحكم لي على كلامي حول العلم و الدين و إنت غايبه عليك أسس التفكير العلمي و فلسفته .. و لا مو كدي؟؟
عموما .. الله يقدرني بالوقت و أرجع أفلفل ليك كلامك و ياريت توريني فهمك علشان ماأنتقدك غيابيا دون أن أفهم مرادك جيدا .. و ياريت تاني لما تشوف ليك تناقض تجي تسأل الزول هو قاصد شنو بيه قبال ما تحكم عليه تووش كده و تخته في خانه الحمارية (يعني تعمله حمار) ..
غايتو شكلي حأصاحبك ..
