اقتباس:
المشاركة الأصلية كتبت بواسطة Wad Elbeck
السلام عليكم يا ود البيك وانت تستعرض الذكريات كأنك تعبر بنا إلى أيامنا الأولى يوم كنا برالمة واتنين من اخوانا بدون ذكر الاسم وقفوا جنب بتاع السندويتشات وطلبوا اتنين ساندويتش فول وصاحبنا بتاع البوفية تجاهلهم شوية فقام احدهم يا بيه عندنا محاضرات وبدا يلح عليه . فقال ليه بتاع البوفية انت يا بيه في ياتو كلية فقال له اخونا في كلية الزراعة . ثم قال ليه في سنة كم ؟ فقال له اخونا في سنة اولى . ثم قال ليه في ياتو تيرم . فقال له اخونا في التيرم الاول فقال له صاحب البوفية انتظر دقيقة ... دخل الرجل واحضر شهادة تخرجة من كلية الزراعة بتقدير جيد واراه للجماعة وقال ليهم عندكم تيرم واحد وعاملني صداع محاضرات محاضرات . انسحب اخوانا بكل ذوق بعدما ملاهم الرجل بالاحباط ... اعتذاري لكل الزراعيين الاسايطة الذين هم اليوم يملأؤون الدنيا بخبراتهم وتبوؤا اعلى المناصب واعتذاري للاخوين ( ......و.......).
هههههههه ..
قلت لى الراجل أحبطهم .. 
تعرف يا الطيب ظاهرة عمل الخريجين فى مجالات ليس لها علاقة بمؤهلهم .. كانت مسألة عادية جداً فى مصر ذلك الوقت .. بينما كنا نستغربها نحن .. طبعاَ الكلام ده قبل أن تسوء عندنا الأحوال فى السودان لتصبح هذه الظاهرة أكثر من عادية ..
الطيب... ود البك لكم الود والحب والتجله ..يا ود البك والله الواحد ريقه جرى ومعدته صاحت ... الطيب اخبارك شنو؟؟انت عارف الشئ ده بقى عادى عندنا فى السودان يعنى لو وجدت سائق حافله وتحدث معك فى الطب ما تستغرب لانه ممكن يكون اخصائى باطنيه !!!انهم اصحاب منير وكباشى الطويل ناس السياسه الله يعطيهم الفى مرادى انا
التحايا لكل العشيره فى اصقاع الدنيا