اقتباس:
المشاركة الأصلية كتبت بواسطة سر الختم إبراهيم نقد
يا ود البيك سلامات
ياخوي المعاقيل دي وين في أسيوط.؟؟
سنيني القعدتها في أسيوط كلها ما سمعت بيها ، حدنا كان "قُلتة" و"فريال" ،ولوبعدنا شوية غرب البلد، أضف إلى ذلك "الوليدية" الكان فيها الجامعة القديمة،وكدا.
السلام عليك يا اخونا سر الختم اكشف لك النقاب عن المعاقيل . لما حضرنا لاسيوط برالمة اخدنا الاتحاد لشقة في الحمرا قريب من مديرية امن اسيوط جلسنا فيها ننوم ونصبح ولا جديد في حياتنا لا دراسة ولا عون من الاتحاد . وفي ذلك الوقت بعد حرب التمانين يوم في لبنان وزعوا الفلسطينين المقاتلين لعدة دول واستضاف السودان مجموعة في معسكر المعاقيل بالقرب من شندي والجماعة مالقوا حاجة لا اكل ولا فسح ارض يباب فقالوا اسرائيل ولا المعاقيل وانا من اطلقت الاسم على شقة الاتحاد واصدرت جريدة لوحدي سميتها المعاقيل ....