[أشتر]

المشاركة الأصلية كتبت بواسطة معتصم الطاهر

و أسوأ من دا كلو فيهم واحد أشتر .. دا وضع محرج جدا ..

اوعا يكون دا انا أقوم أحرجكم قدام الناس ديل حسسسي دي !!!!

يا مبر هوي ويا هيثم بطلّلو لف ودوران حول حاجات واضحة وما تفلسفو لينا الموضوع ساي ...
انا شخصيا يا مبر ما بعتبر الجلِد والشلوخ احتفاء بجسد بقدر ما هي أذية في المقام الأول لصالح معتقد ما عندو أي خلفية مستنيرة لناس ما ناقشين حاجة وكتها ...
يعني هسي شلاليف (الماساي) المشرطة دي بتعجب عليك الله ... ودا ممكن نسميهو احتفاء برضو ؟؟؟ كييييخ ياخ !!!
علي بالطلاق وطلاق تلاتة لو كسرنا رقبتنا (طق كرج) يانا البمنشي ونجي في الحتة القالا لينا الله ذاااااتا ولأجلها جميعا قايمين وقاعدين ...
الشيطان الفقري أول وسوسة في حياتو كانت بخصوص الموضوع دا ...
ما متأكد من علاقتم الغرامية على وجه التحديد لكن الجسد كان حاضر بقوة عندما قال جل جلالو (طفقا يخصفان)
لاحظ دا أول رد فعل بشري لمخلوق ما جرب الشغلانة كلوكلو بدأ بشهوة البطن وبعد شبع تب .. أو قبل ما تمر لحظة واحدة خشو في (اللي ما يتسماش) .. والرجفة حصلت وبقينا في سامحنا وتوب علينا ...
هو خلقنا في أحسن تقويم ليه تفتكر ؟؟؟ ما عشان يحتفل كل واحد بنصيبو وكدا ... طيب كيف ؟؟؟ مع إنو المسألة برمتها كدا زينة لجذب ود اللزينا
طيب .. الناس المشلخة دي كانت صاح ؟؟ والسادة كانو غلط ؟؟
وووين الجميل السادة وضّاح المحيا ... اخخخخخخ
الاحتفاء دائما ما يكون لحاجة عجبت سيدا لفعل يعجب الناس ... ودي ذاااتا قسمين
القسم الاأول بودينا على الغرور راسو ما عديل ... والقسم التاني للأغراء بس المرة دي راسو عدييييييل كدا هعهعهعه ...
اها الطهور دا نسميهو كيف احتفاء (لِشِنيبيرة ) لا راحت ولا جات ؟؟؟ وهو الشافع جايب خبر احتفاء ولّ يحزنون ؟؟؟
طيب انا ليه احتفي بألم ح اسببو لطفل اذا استبعدنا من الموضوع معتقدات وكدا ؟؟؟
الاجابة ... عشان أولادنا تتعلّم بخخخخ ...
كدي اسمعوني النحدسكم ... هو المعتقدات حقتنا أو قولو الموروثات أو حتى العرف يعني خلااااص بقت مرجع ثابت لا نكوص عنو ولّ شنو النظام ؟؟؟
الاحتفاء بالشلوخ ليه انقرض حاليا ؟؟؟
وخفاض البنات مااااااشي في انخفاض ... هل دا تراجع عن الاحتفاء ولّ كل زمن عندو احتفاء براهو والجسد ياهو الجسد ...
وقوف البت قدام المرايا دا براهو احتفاء من نوع خاص ...
صحي ما شفناهو لكن بنتخيلو
واخيرا ... كل الاسباب القلتوها دي .. احتفاء وما ادراكم .. وجيهة وخمرة ومسوح وكريمات وووووو ... ما هو إلا جسد للوردة التي تطمح في المزيد من النحل ...
والنحل عينو طايرة يسوو ليهم شنو
وشكرن ...