انو الشلوخ ودق الشلوفة وكل الاوشام (الضد الانسانية
)احتفاء بالجسد ف ده كان من وجهة نظر الناس العاشوا الفترة ديك وفي مناطق محددة غير انها مأخوذة من ناحية تجميلية فكانت بطاقة تعريفية برضك للانتماء لقبيلة معينة مثلاً
ياخ الشلوخ دي بيكرتو ليها لحم الوش كرت معقولة بس الأذى ده؟
أما دق الشلوفة فكومة ابر يغتسوها في محلبية ويشيلو يخرموا بيها تخيل البحصل ده بكون غالبا في طفلة سغيرة ماسكنها حريم تخان عراض لاحولا
اوعك تقول لي يامبر ديل ماعندهم علاقة بالمنظور الضيق الاتحصر فيو النقاش عشان الحاجات دي كانت بتعلي من درجات الجمال التقييمية للمرأة وبتصب في نفس الاتجاه في النهاية
الركاز للسوط زاتو كان ولازال دلالة على (رجولة) الراكز يعني عبارة عن عرض واعلان قال ليك وركزت شان البت سعاد أصلي عارف جنها في زول بيركز وينستر
شلوخ الرجال دي بفصلا ليك برضك
يعني الحاجات دي كلها تتخذ اتجاهات مختلفة في الاول وترجع تصب في الخانة نفسها
والسلام عليكم ورحمة الله
