اقتباس:
المشاركة الأصلية كتبت بواسطة الزوول
...
حباب زهير قريبي
...
تعرف
أحسن مافي البوست ده هو المرجعية
لما تحتاج للمعلومة بس ترجعلو
...
كدي ما دام الله جابك مباريني 
فسر لي دي:
ابقى زرزور اباري التمر
أنقد القنديل الحلو ... ومر
والسلام لست الأمر
...
القنديل الحلو ومر ده شِنْ نَفَلو؟؟
..
|
يعني يا عوض مؤكد الشاعر ده كان قفاز تمر ..
شنو يقعد يباري القنديلي ني ونجيض يعني ..
والسلام لست الأمر ..
زولك مكسر شديد ..
....................
طبعا انا ما عارف الشاعر ولكن من الجرس بتاع الابيات ممكن تقول من منطقة الشايقية حسب المعطيات والتشبيهات الواردة كعادة اهل السودان يشبهون المرأة الجميلة بكل عزيز ونادر لديهم حسب البيئة وبما ان اهل الشمال عموما يعتمدون علي النخيل ومخرجاته كان وجدانهم مرتبط مباشرة به والقندولي نوع من التمر العزيز الفاخر عكس الجاو الذي لا يصلح في شئ سوي علف البهائم او في تركيب العرقي والشربوت وحتي من هو في سعة من امره لا يشرب عرقي الجاو وانما عرقي البركاوي الذي ياتي في المرحلة التثالثة تقريبا من تصنيف التمور تماما كما يحصل عند الخواجات تجد نبيذ بوردو الفرنسي للنخبة في المجتمع الأوروبي وكذلك الأسكوتش .
طبعا الفقرة الأخيرة دي مش ليك يا دكتور عوض ..
الشغل بتاعك ده كارب شديد وجهد مقدر