[محمد مصطفي]

اقتباس:
المشاركة الأصلية كتبت بواسطة جيجي
ذكرتني يامحمد
وان في الثانوية
في اولى
وانا كنت بحب القراءة لدرجة فظيعة
صاحتي زينب عندها مكتبة ضخمة لاحسان عبد القدوس ونجيب محفوظ وفيره من الكتاي المصريين والمكتبة الجنبنا كان فيها روايات عبيركنت مشتركة فيها يعني في اليوم ممكن اقرأ اربعة كتب
اخوي مغيوظ مني شديد
بالله دا مستوي قرايات
والله البنات ديل عمرهم مايطوروا
كانت امي تدافغ عني وتقول ليه
-بتي بتنمي في مشاعرها
ولما وعيت للكلام لقيت انه فعلا المشاعر والوجدان وحتى العقل الباطن(دا لناس المحفزات) هو محتاج لتنمية وتمارين كمان
ياخ مشكلتنا نحن جافين محتاجين نلولي الحاجات دي جوانا

ياخ والله كتابتك دافية بشكل ... وحكايتك زااااااااتا دافية زيادة
تعرفي يا جيجي مرحلة من مراحل العمر كنت مثلك تماماً ... بحب الروايات دي بصورة غريبة
بعد الرواية امتلكني حب قراءة الشعر ... وكنت بعشق جداً الشاعر المصري صلاح شاهين ... شاعر الرباعيات
وده طبعاً لانو بس صادف ان الوالد كان عندو ليهو ديوان
وصلاح شاهين كان شاعر جرئ ... يعني قصيدتو عريانة وده البعجبني فيهو
بعد كده بقين من رواد مكتبة القبة الخضراء .. هسع كسروها وسوها ابراج الحجاز .. عجبي
المهم : القراية فعلاً غذاء الروح .. وبتنمي حاجات كتيرة جداً في شخصية الانسان عموماً
بعدين نقعد نلولي لمتين عاد .... لمن وطاتنا تصبح ولا شعورنا زاتو انوم