[عباس الشريف]

المشاركة الأصلية كتبت بواسطة عبدالمنعم الطيب حسن

عباس
صباح الخير
يازول الجابري
ذاتو
واحد من الناس المبدعين الذين في صمت وحنين
شكلوا وجدان هذا الشعب
والله دي اجمل افتتاحية
لهذا الصباح الجميل
شكرا لك
ولضيوفك السميعة

عبد المنعم يا صديق سلامات
الشاعر سيف الدين الدسوقي ايضا جرب الاغتراب مثل الشاعر كامل عبدالماجد بالسعودية اغنية رسائل نظمها سيف الدين الدسوقي بجدة ويقال انه كان يبيع قصائده للامراء (( بعت للتجار مواهبى بعتها بابخس تمن )) اكل عيش يعني مع الظروف الصعبه لقد تم في احدي الحلقات طرح هذا السؤال عليه لم تكن اجابته كافيه بالنفي.

[frame="7 80"]مافى حتى رسالة واحدة بيها أتصبر شوية
والوعد بيناتنا انك كل يوم تكتب .. الىّ
هل يجوز والغربة حارة بالخطاب تبخل علىّ
لما أخر مرة شفتك قبل ما أودع وأغادر
كنت حاسس أنى خائف إنى متردد ..وحاير
داير أتصبر أمامك داير أضحك ومانى قادر
بس دموعك لما فاضت ضيعت صبرى الشوية
وصحت موعدنا الرسايل وين رسايلك وين كتاباتك الىّ
وصرت بعدك يا حبيبى ذرة فى بحر الزمن
بعت للتجار مواهبى بعتها بابخس تمن
وحشة ما بتعرف رسايل وغربة عن أرض الوطن
بس أمل واحد بعيشه لو رسالة تصل ..إلى
بيها أطمن عليكم وتنقذ الموقف شوية
من عتابى أظن عرفت إيه مكانتك فى فؤادى
أنت يا فجر المحبة تستحق شوقى وسهادى
أنت صورة ماضى أبيض ولوحة بتمثل بلادى
بس حرام تبخل علىَّ وتنسى ما ترسل هدية [/frame]

[youtube]http://www.youtube.com/watch?v=IlmMyGjCogE&feature=related[/youtube]