[محسن خالد]

يا قيقا كلامات إنشتاين عن الإيمان راقدة هبطرش حسبو ما يهرشك ساي، مشكلتي ما فاضي لجنس المواضيع دي هسع، وما ليها أولوية حالياً.
لكن ليك علي إن قضيت بدري، وألا كمان حسبو عيّب المعادلة الفوق دي، أونسك على الإيميل بتاعك بيها.

طارق الزول الجميل
ياخ شوفتك تفرّح دحين ما تغيب من هنا
صديقي وأخوي حسبو زي صديقي برتناند رسل، دايرين يلخصو الوجود بالساهلة عشان يتفهم ليهم هرباً من الأساطير ربما.
بالله في أسطورة متناقضة أكثر من النظريات العلمية المتأخرة كلها، الكبرى، حينما تقول إن الناس كلهم أصلهم واحد، ولغتهم تطوَّّرت. وفي ذات الوقت نجد أن الإرث الإنساني، منذ آلاف السنين، يعرف وبالكلمة والأسماء قصة التطور، ممرحلة، في كل ثقافة إنسانية جزئية على حدة؟ يعني الإنسان دا بعد أن تطور من قرد لإنسان، قام الإنسان سأل القرد منادياً، اسمع يا من كنت أنا في السابق، الحصل شنو يا أخانا؟
والقرد قال ليه، كان يا ما كان، إنو في بروتوزوا...إلخ لاحدي ما وصلنا زواحف خنثية منها وجات جدودنا التماسيح، والتماسيح بتبيض، فبالله لما تكتب شعر ركز علي حكاية (بوبا) ورتب الجوارح كيت وكيت، وسمِّ كراع الخنبسانة تيبيا، باقي حبوبة لينا، والتيبيا ياها بتاعة الطاب، الجاء من النخلة... إلخ
وألا تتفهم كيف دي؟
يضحك نهاركم