تحياتي لجميع اهل الدار
وتحية ليك استاذ محسن
وشكرا كتير قيقراوي تمت أجراءات الفيزا منذ فجر اليوم.
عاصرني كلام كتير، إلا حرقني كلام محسن في ردو على د.شذى
اقتباس:
|
فقط فتشي الله في جوانحك بكل صدق، وفي الآفاق بكل صدق، وفي العلم والمعارف.
|
هل تقصد يا محسن ان من لم يجد الله - مثلي - لم يبحث بصدق؟ هذا هو السبب فقط في رأيك؟
كيف يمكن ان اقيم لك دليلا على انني بحثت وبصدق ولم اجد الله؟ افتح ليك دماغي عشان تشوف لمبة الصدق منورة وبتقول بيب .. بيب .. بيب اثناء البحث عن الله ولا اعمل شنو بالضبط؟
--
حا احبطك واقول ليك اغاني الحيتان دي لا شاعرية مني ولا حاجة ، هي اغنيات حقيقية تغنيها حيتان حقيقية في الحاجز المرجاني الكبير الي الشمال من استراليا، وجايي ليها بالتفصيل.
الدوغون يا صديق قبيلة عاشت في ذات المكان 70 الف سنة وقاعدين الي الان في الحدود بين مالي وبوركينا فاسو، ديل عالم تاني بحق وحقيقة، افتح خريطة مالي وعاين ليها كويس، فتش عن مدينة اسمها موبتي Mopti واتخيل معاي نهر النيجر دا واصل طريقو شمال وعبر الصحراء الي الجزائر، براك بتلقى كوش القصدتها في رسالتي لي قيقا، وجاييك بي رواقة