اقتباس:
المشاركة الأصلية كتبت بواسطة قيقراوي
اشرقت الانوار يا شهاب
حمد لله على السلامة
اها تقسيمة هلال مريخ دي ياها البتجيب الغلاط ذاتو
في راي انو حكاية الفريقين دي بتتجاهل قراية الحاجات في حركتها .. لا ثابت الا المتحول ..
اها ( المؤمنين ) ديل معتقدين بانو قلب المؤمن بين اصبعين من اصابع الرحمن
و رسولنا الكريم - و هو النبي المعصوم - كان بيدعو انو ربنا يثبت قلبو على الايمان .. شفت كيف؟
و لا حتى غير المؤمنين طوالي هم غير مؤمنين .. و لا هم على قلب رجلٍ واحد في اللحظة المعيّنة!!
يعني فك التسجيلات على ودنه .. و في لحظة الكابشر بتاعة الصورة، ح تديك ديغرام مجوبك جداً للفريق الواحد.
الشغلة في تقديري .. استعداد و تجارب و تاملات خاصة.. و كل شاة معلّقة من عرقوبا.
لو بارينا هلاريخ دي بتدور لينا نفس النقاش الدائري ، و حجوة ام ضبيبينة.
و بترهل البوست ساي ..
كدي سمعنا غناء الحيتان ياخ؟
-----
يبدو لي، انو اختنا بدور عاوزة تظفر بحمر النعم اظنها ..
ما تخليها تحاولياخ! .. المافي شنو؟
|
تسلم يا حبيب، ودي المرقة من المستنقع الانت عارفو داك
بدور على عيني وراسي تحاول كما تحب وكيفما تشاء وليها وللجميع كل الاحترام والحب والتقدير
وانت عارف انا تقسيمات هلال مريخ دي انا ما شايلة من اساسو، وعندي كلام كتير في موضوع الدين واتغيرت حاجات كتيرة، ونظرتي ليهو ذاااتا اختلفت في عضما، لم ازل على لاأدريتي القديمة (الناس خطأ تسميني ملحد وانا لاأدري
) ولكني ازددت نضجا (كما احسب).
تحياتي وشكرا ليك تاني