[أسعد]

وان في تقديري - الشخصي - انو ( حركة الخضر ) ما ( حزب الخضر ) اصلاً ما ساعي للحكم .. . شوف هنا :

لا لا لا في كلامك دا تناقض يا حبة
عنوان البوست هو حزب الخضر
وبعدين حركة الخضر -ياخ كان تخلوها تابعة لي نبي الله الخضر بدل القرين قلوبال -
المهم حركة الخضر دي لو ما ساعية للحكم نحنا زاتو ما ديرنها
لانو دا كلام يبقى وراءه ما وراءه
ثم انو انا شوفت هنا (واشار ناحية ما اشرت)
لقيت انو حركة الخضر ساعية للحكم لكن ما بقدر سعيها (لتسريع عجلة التغيير الايجابي)
يلا خلينا نرجع للوثيقة والبتحض منها انها خالية من الهوية تماماً
وزي ما قلت ليكم تصديركم لصدر الوثيقة بالاهتمام البيئي دا بخلي موضوعكم مستحمي (واقعياً) أي نعم افتراضيا انتو ممكن يعجبكم
لكن بعدين محمد احمد السوداني كلامكم دا ولا بسلك ليهو سنونو زاتو
لانو مسالة اهتمامكم بالبيئة مع الزمن المادي دا بعتبر بندق في بحر
ياخ اهتموا بالانسان واملو ليهو بطنو المطفوقة دي
بعدين امشوا اهتموا بالبيئة وأمنا الأرض
ما عارف جاء في خاطري محمود المليجي وفيلم (الارض) وفي الباك قراوند نشيد (الأرض لو عطشانة نرويها بي دمانا) ياخ لمن شعرة جلدي كلبت
ارض مين ياخ ؟!
بعدين عاين غايتو اسم حركتكم الخضر وسياستها الخضراء
خلتني اتخيل قرار منع ارتداء جلابية سودانية (نظراً للعقدة التاريخية بين الجلابية البيضاء وملاح الخضرة ) جست جوكينغ