[محمد النور كبر]

الأصدقاء..
شهاب..
محسن..
حبابكم..
كتر خيرك يا محسن على فتح هذه النافذة.. من اجل معاينة قريبة للأشياء..
المقاربات مهمة للغاية..و اتباعها سوف يحدث الدهشة..
عند مفاكرة قادمة.. حول العصاية.. أي و الله يا محسن العصاية الواحدة دي.. انواعها ، استخداماتها..و من يستخدمها..و الرموز التي تحتويها..
الفرضية المعممة بتاعة انو الثقافات السودانية لا تحتوي العاب خاصة بالنساء.. محتاجة شوية مراجعة شوية.. لأنو لو مشينا جبال النوبة..و قبائل الجنوب.. الفرضية دي بيتم ضحدها زي السلامو عليكم..فقط المسالة محتاجة بحت اكتر..
ملاحظة تانية.. في مجتمعات البقارة مثلا..الرقص يسمى اللعب.. يعني يقولوا لعبنا نقارة ام بقو (نقارة الفرح)..لعبنا مردوم..لعبنا ضاله.. لعبنا عتبة..لعبنا ساوريت (رقصة).. لعبنا ام قـُدرة ( رقصة خاصة بالشياب و العجايز)..و هكذا.. ففكرة اللعب المطلقة على فعل الرقص.. فيها شوية مجازفة ممكن من عبرها تدخل المرأة في الحلبة..!
اما العصاية.. فتلك امرها عجيب ياخي..خليك من عصاية ابو ام سلمة الفي الصورة.. على بالحلال عندنا رأي في شعار حزب الأمة في ذات نفسو..و هو الذي يبدو للناظر هلال و حربة تخترق هذا الهلال..و لكن هل ليها شبه برموز اخرى؟..


معليش لسع جديد في استخدامات المنبر و حاولت ارفق مصور هنا و فشلت..و العندو فرقة يبحث في قوقل عن..
Talisman Eshu
و يتكرم باحضار الصورة هنا.. عشان نشوف حكاية الطلسم ده و علاقتو شنو بي شعار حزب الأمة السوداني..
و دمتم..
كبر