اقتباس:
المشاركة الأصلية كتبت بواسطة سماح محمد
أ.قيقراوي..
تحياتي
ولو سمحت أعفيني من الألقاب..أنا ذاتي مادكتورة
وقبل ما أرد ليك كان تلاحظ طلبي في آخر المداخلة بأنو الناس تضيق المحاور شوية ما تشتتها عشان نستفيد بدون ما نفتل بوست السينما ده (فالمعذرة لأستاذ محسن وضيوفه الكرام)
عندي معلومة مسبقة عن إنو في إختلافات تشريحية بين دماغ المرأة والرجل، يعني حسب المناطق المقسمة في الدماغ في تفاوت ما بين الذكور والإناث، بينتج عنها فروقات في القدرات مثلا: الأجزاء المسئولة عن العمليات الحسابية أكثر تطورا عند الرجال، الأجزاء المسئولة عن تعلم اللغات أكثر تطورا في الإناث وهكذا ، طبعا بقية التفاصيل العلمية محتاجة وجود زول يقدر يقيمها زي د.قرشي فالأحرى إننا نستناهو عشان ما نهدر علمنا ساي لأولاد السنتر البيقطعوا النجيلة   ..
وبرضو حسب علمي إنو إستجابة أجزاء الدماغ يمكن تحفيزها بالتمارين .. يعني رويسي ده كان حسبت بيهو أكتر منك ممكن يشتغل بكفاءة أعلى من رأسك إنت كراجل بفضل التمارين..
طبعا لو مشينا للمعجم في فرق: أنثى ضد ذكر ، ومرأة مؤنث إمرء
لكن أنا ما قاصدة بيها حاجة بس إلا كان وهمة داخلية وأنا بكتب كدة حسيت ليك إنو قبائل من النساء بتكورك في راسي (رشيهم ..رشيهم..المافي شنو )..قمت قلت أنا أنثى والأنثى هي الأصل على قول د.نوال السعداوي
ولو عندك فهم في الحتة دي..ورينا ليهو.. |
لوووووب
ا. قيقراوي و اعفيني من الالقاب!!؟
طيب انا استاذ يا دكتورة؟
انا كنت كاتب أ. سماح و غيرتها لدكتورة لانو لقيتك شابكانا استاذ محسن ساااي! .. بس ( بفتح الباء )
برضو حاضر يا سماح سليقة ساي
بعدين حقارتك بي اناا بس عشان يتيم و لّ شنو؟ ما يهودا كلولهم بفتلوا سااااي و يقولوا ليك بنوسع مواعين الناقش
اخيراً
الانثى مفهوم مركزي عند الصوفية ...
و في فرق بينو و بين ( مرأة ) ... لكن و الله ما عارف شنو عشان كدا جبت الكلام بي جاي ..
احد العارفين ارجح انو سيدي بن عربي قال :
كلنا إناث لما فينا يوّلده ..
ما في الكون من رجلِ
لووووووب
اها امسكوا الخشب يا شمباتا ...
و الشمباتا رجال الجامعة
-----
لوووووول
ياخ بالمناسبة دي لي زمن عاوز لي شمباتة اسألا من رأيها في الهتاف العجيب دا؟