[ناصر يوسف]

المشاركة الأصلية كتبت بواسطة سارة

يا ناصر نسيت اسعلك
انشـــــــــــــــــــطار يعنى شنو؟؟؟
زول الله ازيك ياخ
هسى فى ظومتك يا زول الله كان شفت لينا غنوة
حلوة ما اخير من البتسوى فيهو دا

إنشــــــــــــــــطار ؟؟؟!!!!
تجيبي ليك بطيخه وتفقشيها النص بالنص أو قد تختلف المقادير بين الجزئين في الحجم ...
ولا أقول ليك ...
إنشطار يعني إنفقاااااااااااااش
ساره يا أختي إنتي اليومين ديل مالك قايمه علي ؟؟؟
دستورك قايم ؟؟
جداً ...
سألجأ إلي صديقه
وينك يا سمراااااااااااااااء تعالي وجيبي معاك أولاد ماما ديل اليدقو ليهم ظاراً كااااااااااااااارب لسروره العروره دي أكان ينزل منها وتسيبني في خربطتي البسوي فيها دي
يا ساره يا أختي أنا لما كتبت البوست ده (وهو بوست مُهَجِص بي من زمن الإنشطار الإنفقاش الأول بين خالد رحمه الله وحنينه) ... كتبتو بإحساس خاص بي أنا ده ... وليس ضرورياً أن يتعامل كل الناس معاه بنفس إحساسي الخاص بيه ..
وبنفس المقدار ما أظنو بقية الناس لما يقروه يجوا ويلزموني بإني أتعامل مع الأمر من زاوية رؤيتهم للموضوع ...
هو شئ مؤلم بالنسبة لي ... تشتت ومزازاة عشان ألم في الناس وأراسلهم وأكاتبهم وأقابلهم وأقالدهم ... في المفهوم الإنساني بعيد جداً عن أي دلالات سياسية ولا فكرية ولا غيرو من الأشياء البحترمها إنها تكون عند الآخرين بس أنا ما شغال بيها ... فاتح ليها عديييييييييييل كده ...
أنا زول بسيط للغاية وبحمل في قلبي محبة لكل الناس علي مختلف مشاربهم وإنتماءاتهم وأفكارهم ... يعني ببساطه ممكن لما أقابل لي زميل لأووووول مره ووووووجاً لوجا كده ممكن أقالده وأقعد أجعر وأبكي عدييييييييل كده ...
زول أهبل وعوير وساذج آي ... لكن ده أنا ناصر يوسف الوااااااااحد ده ...
ولا العلاقة البيني وما بين معتصم الطاهر وهو يجي يوم يتصل علي ويقول لي تمشي المطار بتك أحلام معتصم الطاهر دي جايه في طيارة الساعة تمانيه ونص تاخدها تبيت عندك في بيتك عشان هي باكر الصباح تقدر تمشي الجامعه .. زول بأمنك علي بنتو !!!! ولا زول زي الجيلي هو يحتفي بيك لأقصي حد من حدود التعجُب ولا رأفت ميلاد ولا حافظ حسين الإنسان الإنساني الغريب ولا الزول الأغرب منو بابكر عباس ولا عكود سيد الكرم ولا بابكر مخير ولا ..... ولا منو ولا منو ...
حتي إنتي يا ساره ما تتخيلي عملتك النبيلة السويتيها فيني ديك مُتحكرة جوه القلب قدر شنو ؟؟؟ وإنتي تقطعي الفيافي (النرويج ــ السويد) من باخره لي قطر وعواصف وأمطار وصواعق تلخبط خارطة طريق القطر وعمنا وكبيرنا الحبيب شوقي بدري ياخد عربية خالد الحاج ويمشي عشان يحصلك في المكان الإتوقف فيه القطر ويجيبك وتجي ونتقالد أنا أبكي في جواي بكاء مهما وصفت ليك إحساسي بيه ما حأقدر أوصفو ....
ساره .... إنتي بتهظري ؟؟؟!!!!

معليش لو الواحد بيكتب بدم قلبو هنا يا ساره


لا إله إلا الله محمد رسول الله