( كَاَنْ جُوُكْ عِشْرين أو مِيَّة، إنت أَمْسِكْ وَاحْد بَسْ، وإن شاء الله تعضيهُ بسنونك، إن شاء الله تخربشهُ بأظافرك، إن شاء الله تَدَخِلْ يدينك في عينهُ، لكن ما تخلي حَقكْ ولا تبكي ولا تجري. الدُنيا دِي مَا بِيَنَفَعْ فِيها الضَعِيفْ.)
قطعت حبل تفكيره أنامل الشامة على رأسه.
تعال عليك الله فليني يا ود أمونة. -
هو لا يحب الشامة، بالذات:
( عندها ريحة في فمها أعفن من البول، رأسها كله قمل، ووساخة، وقالوا كتلت راجلها.)
قالت له الشامة
- أُمُك الليلة طلعوها خدمة في بيت المأمور، أنا ما عارفة المأمور دا عايز منها شنو ما عايز يخليها في حالها.
(ما حأغسل الصُحانة.)
قال ود أمونة مُصدراً أمراً لنفسه.
-من رواية (الجنقو مسامير الأرض) ل"عبدالعزيز بركة ساكن"-
|