[اروي حامد عبد الله حامد]

المشاركة الأصلية كتبت بواسطة الزوول

...
حباب عمار
...
شكراً ليك احساسك الجميل بالآخرين
ولكني اختلف معك جملة وتفصيلا في دعوتك لمقاطعة تخديم أخواتنا الحبشيات
في حاجات كتيرة في الدنيا دي موجودة ..لو حبيناها ولّا كرهناها .. وما ح تنتهي في يوم من الأيام..
منها الفقر والجوع والمرض ...الخ
أهلنا الحبش ديل هاجروا وجو عندنا ما بى كيفم ..جابم الشديد القوي
الشديد القوي ده في أغلبيتو هو الفقر المدقع
البيصل لحد الموت من الجوع والمرض
نحن زاتنا فقراء ..بس أحسن منهم شوية
لا يملكون اي مهارات أو تعليم أو اي شيئ يساعدهم على كسب عيشهم في مدينة مثل الخرطوم لا تعطي اكلها (حتى لأبنائها) الا بشق الأنفس
في أيديهم سلعة واحدة يمكن لهم أن يبيعوها ليكسبوا لقمتهم ولكي لا يتضوروا من الجوع... أجسادهم
أما أن يستغلوها بشرف وكرامة كخدمة في المنازل والحصول على متطلبات الحياة الأساسية كالأكل والشراب والملابس وبعض من رفاهيات الحياة حسب الأجر الذي يحصلون عليه.
وأما الخيار الثاني الذي تعرفه
هل هنالك خيار آخر؟؟؟
ماذا لو تجاوب كل الناس مع دعوتك هذه واستغنوا عن من يساعدهم من خدم المنازل؟؟
الموضوع ده يا عمار يا اخوي يعتمد بشكل كبير على معاملة أهل البيت لمن يعمل معهم ...
المعاملة الحسنة الانسانية تولد محبة وإلفة بين العاملات في البيوت وأهل المنزل الى مدى غير منظور أحيانا
ولدي من الأمثلة الكثير .. سأحكي عنه عندما أعود
...
تحياتي
...

[justify]الزوول سلامات ورجلك كيف
عمار مساك خير
اتفق معك اخي الزوول فيما تفضلت فيه وهي عاملة وبالأجر الرق هنا في شنو خدمة مقابل أجر اذا هي وقعت في من لاقلوب لهم ذلك لايعني بان كل من يستخدم حبشية لاقلب له غير كدا ياعمار كان في غير الاحباش من الجنسيات السودانية بيخدموا في البيوت كان رق؟
كل علي حسب تعامله وضميره غير كدا اسدها دا هو المنوط بيه تنظيمهم وتشغيلهم داخل السودان حتي تكون في مرجعية لي ناس البيت لو حصلت اي حاجة نم قبلها

لك كل الود[/justify]