غايتو لقيت ليك زول قبل اعتذارك
نيابة عن سودانيات وكل المواقع السودانية نقبل اعتذارك اصلوا انت سويت شنو ما تسمع جوطة الناس دي يعني شنو لو اقتبسته او سرقته عديل انت المهمه البتأديها كان انت او اخوانك الكيزان للاعضاء هنا والمنتديات الاخري مهمة ما ساهلة 90% من المثقفاتيه البكتبوا في المنتديات دي بكرهوا الانقاذ المتنفس الوحيد ليهم انت واخوانك باقين ليهم جمل شيل مفروض احترموكم --- معانا خواجه في الشركه بحكي لي في بعض الشركات عندهم يتم عمل غرفة بها مجسم لمدير الشركه الغرفه دي اي موظف زهجان اخش عليها اشلت المجسم ده وتف عليهوا غير الكلام البذيء التاني --- اها إتو المجسم ده بالله الناس ديل ما غلطانيين امسحا لي انا في وشي نفترض انت واخوانك خليتوا الكتابه في المنتديات المساعدنها بي سرقه الناس دي تاني تشاكل كمبيوتراتا عيب والله عليهم.
يا جماعه اختشوا بدرالدين ده سرق شنو مقال مقالين ما احسن اتلهي بي سرقه في النت شغلكم ده تحريض ليهوا لمفارقة النت وإتجه للسرقه العديل بتاعت البترول وغسيل الاموال والتصاديق والاعفاءات الجمركيه مع جماعتوا ليه عايزين تكشكشوا الشيطان الداخل بدرالدين عشان امشي اشوف دروب تانية ما كفاية علينا شلة الحرامية المتفرغين ديلاك بدرالدين واخوانوا قنوعين ناس تاكل عيش تم تجنديم من النظام للتصدي الي مناضلي النت وده شغل رسمي كان بي سرقه او بي ضراع فرقت شنو خلاس السرقه وقفت علي بدرالدين المسكين ده واخوانوا عيب عليكم خلو الناس تسترزق واحنا نفش غضبنا.
http://sudanyat.org/vb/showthread.php?t=17755