[ناصر يوسف]

المشاركة الأصلية كتبت بواسطة عبد الجليل سليمان

طيب يا ناصر شنو قصة ( عبد الجليل ومهند والإدارة) ...
ماذا لدينا مع الإدارة؟
انت قلت اننا انتخبناها .. فهل هذا يعني أن نسكت ، أهي إدارة منتخبة أم بقرة مقدسة ..
هنالك أخطاء يجب أن تناقش هنا وليس في مكان آخر ( بعيد ومنزوي) كما تدعو أنت وكثيرون، ويا ناصر طالما أن هذا المنتدى اسمه (منتدي الحوار) فهو إذاَ ضد (فقة الستره) الذي تدعون له. كل شئ يطرح هنا ويُتداول حوله.
ليس لدينا مشكلة شخصية مع أي أحد ( لا متنافسين في سوق ولا ورثة) .. وليس لدينا عداء شخصي بل العكس معظم أعضاء مجلس الإدارة أصدقاء وأخوة كرام نحبهم ونحترمهم على المستوى الشخصي كثيراً، بل نجلهم أيما إجلال .. وأنا يمكنني أن أتحدث (فصولاً) عن بعضهم ( عن أخلاقهم وكرمهم) ، لكن هذا لا يعني أن أسكت على ما اعتبره نزوعاً من المنبر نحو الإنهيار بسبب أمور كثيرة أهمها عبارة (سودانيات بيتنا) – وهذه يا ناصر في ظني أنها العبارة التي قصمت ظهر المنبر فيما ورد في هذا (البوست)، فالمشرف خالف اللوائح حين ظن أنه سيحافظ على بيته بأن يطلب من (عضو) القيام بمهمة استخبارية عن شخص يريد الإنضمام للمنبر – العضو وافق حرصاً على بيته (سودانيات) ، ثم وقعت الواقعة غير المسبوقة.
يا ناصر أمانة في ذمتك .. كيف تفهم التزكية (أنت شخصياً) .. هل هي بهذه الطريقة .. أريد إجابة واضحه. ما هي التزكية؟ أن تطلب من شخص الاستخبار عن شخص آخر – هل هذه تزكية؟؟ إذا كانت كذلك (فخبرونا) فعند أصحاب البيت الخبر اليقين.
وسنستمر يا ناصر في هذا .. متى ما وقع خطأ فادح ، كل هذا بعيداً عن خلافات مع إدارة وخلافات شخصية مع فرتكان.
واستمتع ببيتك يا حبيب ... و قلت رمضان كيف معاك؟؟

رمضان أهم شهر عندي يعلم الله يا جاليليو
وبعدين تعال هنا ما تقولني كلام أنا ما قلت ليك ...
أنا ما بتكلم عن العلاقات الشخصية ... أنا بتكلم عن الزول القلم ... العضو الكاتب هنا ...
أما مسألة التزكية أمر طبيييييييييييييعي للغاية ...
ياخي حتي في العُرف السوداني لما يجي واحد يطلب إيد بتك أو أختك ... أها بتتحري عنو ولا لأ ؟؟؟
مُش ممكن تجيني أنا صاحبك ده وتقول لي : أسمع يا صاحبي ... بتعرف فلان ود فلان الشغال معاكم في الشركة الإنت شغال فيها دي ؟؟؟
أقول ليك آي بالحيل بعرفو ... أها شنوووووووووو ... تقوم طوالي تقول لي بتعرف عنو شنو ؟؟؟ أقوم أنا أسألك وأقول ليك مالو عاوز يناسبكم ولا شن ؟؟ وتكون الإجابة بنعم .... وتلحقها أسئلة أخري زي ... جنسو شنو وأهلو من وين ؟؟؟ زول صلاة ولا عربدة ؟؟ ووووووو .... واوات كتاراااااااات كده بتجي بعدها ...
وكله لأجل التأكد من إنو هذا الشخص شخص ممكن الإعتماد عليه ....
ياخي حتي في التوظيف ... مش بيتم السؤال عن مدي كفاءتك عشان تشغل وظيفة ما في مكان ما ؟؟؟ وتييييييب
ثمَّ أنا بصراحة كده شايفك مكبر المسألة ومديها مدي أعمق من حجمها كتير يعلم الله .... فشنو لما تقول ( أن تطلب من شخص الاستخبار عن شخص آخر – هل هذه تزكية؟؟ ) وتهولها بتضخيمها في السياق العام ... بتبقي زي التجريم يا جاليلو ...
وفيها شنو لما أستخبر عن شخص ؟؟؟ ولا بتكون قاصد الإٍتخبارات بتاعة ناس الإستخبارات والأمن ديلك ؟؟
هناك المسألة بتختلف يا أخوي ... لكن هنا عادي ممكن يتصل عليك المسئول الفني لسودانيات ويقول ليك يا أخوي طلب مننا زول إسمو ناصر يوسف ... وهو في معلوماته بيقول بإنو بيعمل في مجال الصحافة وموجود في السودان وده رقم تلفونه ... نرجو التحقق من صحة المعلومات ...
أها يا عبد الجليل ... لو كنت ما بتعرفني ... مش لازم تتقصي وتتحري لأجل أن تعرف عني بإني كاااااااائن موجود فعلاً ... وما أديت المشرف الفني معلومات خاطئة ؟؟؟
طيب تبقي المشكلة وين ؟؟؟ ويييييييييييييينها المشكلة هسي هنا يا عبد الجليل ياخ...
لكنك لو قاصد أسلوب عمنا وكبيرنا فتحي مسعد حنفي ... فده يبقي شئ تاني ... وأظنو هو بنفسه جاء هنا وفنَد رأيه تماما ً وحتي قدم إعتذارو علي ما أعتقد ...
ويا أخي أصلاً من غير العادل أن تربط أسلوب شخص واحد وتصف بيه المسألة برمتها بإنها خااااااااااااااطئة وإنو الإدارة قد أخطأت وشنو شنو داك ماني خابرو ....
فتك بعافية

ــــــــــــــــ عبد الجليل ــــــــــــــ شئ تاني هاااااااااام

السبت القدامنا ده ( إفطار سودانيات ) ورقم التلفون معاك ... إتصل عشان أديك تفاصيل المكان ... أما الزمان ... فأسكت وكِب في كبابي الشُب ــــــــــ

أها حتجي ولا حتعمل لي والله يا ناس سودانيات أنا ما عاوز معاكم ظاتو ( وبي كده بتكون ما فَرَّقَتَ ما بين العام والخاص )