سلامات أ.رأفت ولعلك بخير
عنوانك ده من أمبارح يحدر لي
اقتباس:
|
هل إضطهاد الرجل للمرأة منذ الأزل له مسببات ؟!!
|
طبعا ماقدرت أمسك نفسي
رغم إنو مافهمت بالضبط داير تشوت على وين؟ ولا لو ما داير تشوت أصلا
..
المهم
هل نحنا مسلمين أصلا إنو الرجل مضطهد المرأة منذ الأزل (الأزل ده ذاتو زمان قدر شنو؟؟)يعني لو من زمن أبونا آدم و ستنا حواء فمحتاجين نثبت وجود الاضطهاد ده منذ تلك الأزمان..
أنا غايتو شايفة انو الحكاية دي إختلفت عبر الحضارات والأزمان حسب سلطة الجنس المحدد آنذاك لكن الحكاية محتاجة إستعراض لآثار تلك الحضارات وأظن الفن أمثل وسيلة لذلك..
هسه الصور الجبتها دي واللوحات مؤشرات على فكرة..
وياريت نقدر ننقب ونتقصى عبر التاريخ
أما الأسباب لو بنبحث عن الأسباب فبتكون في ظني بس سياسة (الفي يدو القلم..مابكتب روحو شقي) السلطة يا أستاذ رأفت والقوة بتخلي الناس ب(أناهم) دي يتغولو على حقوق بعض ويستقوو على بعض
محبتي وإحترامي