[سجمان]

المشاركة الأصلية كتبت بواسطة طارق صديق كانديك

شوفتك والفرح .. اخوان عديل بالرضعة
ومن هلت حروفك أحزاني جات منقرعة
يالسجمان أخوي عيدك مخاتي الشِرعة
لا طيبين لا كيف حالكم .. نقع في الترعة ؟

المتلك يمين لو القدم مطلوق
نركبلو إم جناح ولّ القماري أم طوق
معايدة الهواتف يا خلي بس خازوق
من تقفل خلاص ينهبنا تاني الشوق

العيد يالحبيب زايد علي في سقمو
مافي سوى الإجازة لي الله نشكر نعمو
القاعدين بعيد مهما ن بقيتاً زعمو
عيداً بلا الأحباب يا خلي ماسخ طعمو