اقتباس:
المشاركة الأصلية كتبت بواسطة سجمان
المتل النخل مالت ومال جريدا
جهجهت الوريد حين ماشة تلت إيدا
ما بتنال رضاها مهمن كتبت قصيدة
وقضيتك يالحبيب لابد من تصعيدة
المتل الجريد فدعت سعف مشوشة
سوت في النسيم شبال هشوشة
مالت بالسبط تقل سقف معروشة
ماغير ام نادوس الجرت نم قفاي مغشوشة
جريت النم صبحت صحاري بيوضة
سرقن في القصيد والدم فرش تبروقة
لو ما الماحي جاد جرد عشم محبوبة
تاريك يا الوضي جيت تسرق المعشوقة
حرم ما فتاك بطلقة من خرطوشة
يا فريخ ماك ضراع شان تنال مريوضة
تاري القليب تلب وراها عشوشة
من دين قبل ديل نزلن خلاف نعوشة
ابلن ما سلاب حقن رباية بشوشة
ما قلاع ضعاف يوم بتلن بالنوشة
قاصات الدرب نزلن حداك عشوشة