[بابكر مخير]

المشاركة الأصلية كتبت بواسطة زاهر صديق الطيب

اقتباس:
المنتدي .. كتلتو الشوللية ..

زاهر يابا
تعرف الشوللية دي صعب أن يوصف بها مخضرمي سودانيات على وجه العموم وهي لا تنطبق على عضوية سودانيات بصورة عامة..
كدي راجع شوف الترحاب الإتقابلت بيهو..
عاين لي المداخلات العملوها اخواتك واخوانك الاعضاء،
خلي بالك كم من بوستات بتتفتح مليانة أو عامة أو بسيطة ويتداخل فيها كم من الاعضاء..
حسي يابا عمك فتحي دآ زول شوللية والله شوية ويكون شمولية..
غايتهو فكرة مجموعة في موقع إجتماعي دي أمر شخصي ولا يمكن التدخل فيها..
لكن سودانيات تجاوزت الأمر الإجتماعي، دي أصبحت أسرة...
شوف عدد الزيجات النتجة من معرفة سودانيات
شوف الترابط بين الأعضاء مع بعض بالله عليك لو غنماية عضو مشت الحتة الفلانية، تلقآ الخلق كلها إتلمت ليها...
المنتدى الثقافي
التنادي لعنبر خالد (عليه الرحمة)
إفطرات رمضان الجماعية
الرحلات في الأعياد..
إن كان لي الإختلاف البيكون بعض مرات بين الأعضاء......
قالوا: المصارين في البطن بتتشاكل..
يابا شوف ود فرح "ما ود خالي بلالي" التاني..
كيف بيتعاملوا معاه الناس هنا،،
بأدب وإحترام مع الإختلاف الكبير بين البعض معه والبون الشاسع في الفهم والفكر...
هانا يابا
بدور زولتنا سودانية "تب"
أنا من الغرب وأهو مع توحة (الهندي) حبان
بدروف وروفي أشقاء..
كدي يابا عاين بي عين عمك بابكر دآ وبتشوف القصة هنا...
مسلمين مؤمنين بالحب للإخوة كحبهم لأنفسهم، مسيحين والمحبة ديننهم وكدآ يعني..
يلا بينا نبنيه من جديد على طريق القديم الوضع لبنته الخالد "خلودي" وحمل الآية من بعده نساء ورجال صدقوا ما تعاهدو عليه..
دمت