[ناصر يوسف]

المشاركة الأصلية كتبت بواسطة زول الله

تشكيل لجنة لتقييم الشحنة دا يُحسب (لها) -هيئة المواصفات- وليس (عليها)
وإثبات الخلل إيضاً يعني انو في ناس شغالين وبرضو (لها)
(عليها) دا لما يتم تمرير تلك الشحنة للسوق
إذا دا حصل ورينا عشان من بكرة نقع البلح والعجوة

ناصر عساك فاين
اقول قولي هذا واستغفر الله لي ............

والله يا زولي وزول الله ... بس تقول شنو .. وأنا ذاتي قلت كده .. بإنو يُحسب لها ..

وده البقي ظاهر للعيان ... فيا ربي المو ظاهر تاني شنو ؟؟!!!
تعرف يا الحبيب هذا السوق الماجِن ـــ أيوه والله ماااااجِن جد جد ، كل شئ تالف بقي موجود فيه .. تعال حاول إنك تشتري ليك أي من أدوات الكهرباء إنشاء الله اللمبة القلووز ديك .. تشتري غصباً عنك بقروش تيرة ( تحرير السوق وكده ) ويجربوها ليك قدام عيونك الحياكلن الدود ديل وتشوفها سوَت بِلِنق بِلِنق وأمك ولعت وأمك طفت ... وأممممممممك ... غشوني وسرقوني ، ده في حالة إنك وصلت البيت وركبت اللمبة في قلووزها وطاااااااااااااخ ترااااااااااااخ تِطَرشِق ليك قدام عيونك

يا أخوي كدي ... ولا أقول ليك حاجه ... الله في ياخ