[حافظ حسين]

المشاركة الأصلية كتبت بواسطة بابكر عباس

قعاد الناس ديل في الكنابي فرضتو عليهم ظروف معينة، ولهؤلاء الناس الفضل الأكبر في نجاح وإستمرارية مشروع الجزيرة (بالقديم).
سبعين سنة بتديهم حق تاريخي يؤهلهم للمطالبة بقوة بحقوق قانونية (أراضي سكنية مسجلة) ومن ثم سوف بتحول صراعهم مع العرب من صراع عنصري لصراع قانوني.

كدي أمشي أعمل ليك راكوبة بالرياض (عشوائي) وأخدم بيوت ناس الرياض مائة سنة خليهم يدوك شهادة سكن.

و لم يزل السيد بابكر عباس يمارس الغناء في بيت العزاء ....
يا حبيب انا ما محتاج أمشي أعمل لي راكوبة في الرياض (عشوائي) عشان أخدمهم ........... شفت يا مستنير كيف بتفضح نفسك بعقلك الباطن الما قادر تتخلص منه.... قالوا ليك حافظ عب طوالي ختيت لي خدمة ناس رياض و سكن عشوائي .... يا خي أحب الإستنارة ذاتو .... لكن فوق يا مان أصحي دي مرحلة ضريبتها دفوعها أجدادي و أنا الآن يكون لعلمك رأسي فوق و ما خجلان من المرحلة دي شوف ليها ناس تاني و تصدق انا بكتب فيها عشان أتخلص منها نهائي و عقبال يتخلص كل العنصريون. لكن يا بني العباس خلينا نمسك في هبابك دا, قول بنيت لي راكوبة في الرياض و خدمتهم مية سنة مما تعدون أوكي , اي ما دايرهم يبقوني رياضي لكن أقلها ممكن:
1.يطلعوا لي شهادة سكن و ما ادق وقت أجي أطالب بيها
2.اولادي و أحفادي يمشوا مدرسة الرياض الحكومية دي و يجوا راجعين الراكوبة بدون واحد من اولادك أو أحفادك يرفع نخرته عليهم.
3.الراكوبة دي ما تتحرق لان لوني ما جميل.

أها يا عميق سبعين سنة دي ما أدت الناس ديل اي حاجة , غير حرقت بيوتهم و طردت أولادهم من المدرسة ( و الشرطة بتتفرج و بتحنس علي حياء , و وزير التربية بوعد وعود سراب و الزول الفي دبي (مع كامل إحترامي لناس دبي) عارفها سراب), أها ورينا رأيك العميق و علاقات أنتاجك
صدقني يا بابكر ما حاخليك ما حأخليك لحد ما تكتب رأيطك العميق و علاقات إنتاجك دي لانو دا موضوع حياتي في الكون و مستعد أخسر فيه حياتي كلها.

بالجنبة كدا بالجد يا بابكر محتاج كتيييييييييييييييير عشان تتخلص من أوهام أنك من سلالة مباركة دي و البقية بدون