اقتباس:
المشاركة الأصلية كتبت بواسطة Sana Mursi
امال كيفك يا نقيه و واضحه في زمن النقاء والوضوح بقوا يصفوهم بصفات تانيه, والتلون كالحربويه بقت دبلوماسيه و شطاره واحيانا ينسبوهم للذكاء (المجني عليه).
البوست ده جابني ليه انت ما سيد العنوان باي حال لاني ختيت فيه رائ اخلاقي من احداث شفناها هنا في المنبر ده في حق اخوات عزيزات ولاننا الله سبحانه وتعالى ما شفاهو لك امنا بيها بالبينات من وحي القران والحديث. برضو انا متيقنه او الشخص الافترعتي البوست باسمه ارتكب جريمه اخلاقيه واتحكم عليه باللائحه وقضى فترة العقوبه وجاء راجع وكان شئيا لم يكن و براءة الاطفال في عينيه(ما بعد الكفر زنب يا امال).
انا من الاحداث ديك قررت بيني و بي نفسي ما اتداخل مع الشخص المعني لانو من وجهة نظري الاخلاق اولا وبعدها تاتي اشياء اخرى ومنها الحوار و قبول الاخر وهلما جرا.
مخارجه
كنت معانا يا امال في اربعين الحبيبه ايمان رحمها الله رحمة واسعه واسكنها فسيح جناته لاني حكيت لاهلها انك كنتي السبب لمعرفتي بيها و تواصلي معاها عبر الفيس بوك.
كوني ذي ما انت نقيه و صريحه و ما تكترثي للهندي وخال القشير واسحق ومن لف لفهم
|
سناء العزيزة
فرحتني مداخلتك واحتفيت بيها جدا
بفرح لما اشوف البنيات الواعيات المتفتحات ماليات الحتة
وبقدلن بي كل عزة نفس ويملن المكان وعي وفكرة
وبتذكر دايماكلام محجوب الشريف
بختي بختي بتي انتي
بخختنا ياسناء بكل البنيات القدلن فوق عزة
وقدن عين الجهل والهوس والوعي المغبش
وقال لا في وش المتحرشين والموهومين
والمتصابين والمنفصمين
البسبحوا بالنهار وباليل يضبحوا
الرجال الزيف
الدايرين يخدعونا باسم الدين
ويستهبلونا بشوية لغة جوفاء
عارفة ياسناء
سلوك الفرد لا ينفصل عن تفكيرو
وليس هناك جرم اكبر من مناصرة القتلة
والانظمة الفاسدة واتخاذ رموزها انموذجا ومثال
ماذا يعني ان تعجب بشخص مشوه وغريب
وتتخذه مثال كالهندي عزالدين؟ وغازي عتباني
ماذا يعني؟
رحم الله ايمان واسكنها عالي الجنان